Тармоқ машиналарини ҳисоблаш ва лойиҳалаш

Пахта толасини аралаштириш усуллари.

Пахта толасини титиш ва тозалаш.

Пахтани титиш ва аралаштиришнинг биринчи босқич машиналари.

Пахтани титиш ва аралаштиришнинг иккинчи босқич машиналари.

Титиш ва аралаштириш машиналари ишига таъсир қилувчи омиллар.

Gazlamalarning sifati hamda yigirilgan ip va gazlama olishning oson yoki murakkabligi ko'p jihatdan tolalarning tozaligiga bog'liq.
Juda ifloslangan paxtani yigirishda, qayta ishlashda mehnat unumi va jihozlarning ish unumi pasayadi, chiqindi esa ko'payadi.
Paxta tolalarida quyidagi nuqsonlar va iflos aralashmalar mavjud:
tugunlar - chigallashgan tolalarning kichik guruhi. Bu nuqson paxtani qayta ishlashda, ayniqsa, texnologik jihoz yomon holatda bo'lganda paydo bo'ladi. Yigirishda bu nuqsonni yo'qotish yoki tarab ketkazish qiyin, u yigiriigan ip sifati va ko'rinishini yomonlashtiradi;
o'rovlar - har xil shakl va qiyofadagi tolalarning zich yopishgan oddiy va murakkab guruhlari. Bu nuqson ham paxtani qayta ishlashda paydo bo'ladi. Yigirish ishlab chiqarishida tarab ketkazsa bo'ladi, lekin yo'qotish qiyin bo'lgan tugunlar paydo bo'lishi mumkin, shuning uchun o'rovlarning ko'p bo'lishi zararlidir;
o'ramlar - tolalarning biroz bir-biriga yopishgan guruhi, ularning bo'lmagani ma'qul, chunki ulardan tugunlar va o'rovlar hosil bo’lishi mumkin. Bundan tashqari, normal tolalar ichida "o'lik va "kasal" tolalar, shuningdek, kalta (15 mm gacha) tolalar-momiqlar ham uchraydi. Ular yigirilgan ip ishlab chiqarishni qiyinlashtiradi va sifatini pasaytiradi;
iflosliklar - barg, ko'sak va shox bo'laklari. Ular uvalanganda tolaga ilashadi va ularni ketkazish qiyin bo'ladi;
yetilmagan chigitlar (o’lik) - jinlarda panjara orasidan tushib qoladigan yetilmagan kichik chigitlar;
maydalangan chigitlar - paxtani dastlabki ishlashda maydalangan chigit bo'laklari;