Тармоқ маркази “Ҳимояга тавсия этаман”

2.3.1. Мавзу бўйича кейс-стади
I. ПЕДАГОГИК АННОТАЦИЯ
Фаннинг номи: «Глобал ишлаб чиқариш тизими».
Мавзунинг номи: «GM GMS тизими. Ходимларни жалб этиш»
Кейснинг мақсади: корхонанинг мақсад ва вазифаларини белгилашда саломатлик ва хавфсизлик устуворлигини аҳамияти, корхонада малакали ходимларни такомиллаштириш, жамоа бўлиб ишлашнинг афзалликлари ҳамда тизимли ёндашув асосида ходимларни меҳнатга жалб этилишини тушунтириб беришдан иборат.
Тақдим этилган кейснинг ечими талабларга қуйидаги ўқув натижаларини олиш имконини беради:
- ходимларни жалб этишда мақсад ва вазифаларни белгилаш;
- саломатлик ва хавфсизликни олдини олишни аниқлаш;
- ходимларни ўз иш жойларини ташлаб кетишга таъсир этувчи омилларини ўрганиш;
- малака ходимларни такомиллаштириш
- бир жамоа бўлиб ишлаш ва очиқ мулоқот тушунчасини;
- цехларни бошқаришнинг моҳиятини изоҳлашни;
Кейснинг муваффақиятли ҳал этилиши учун талаба билиши лозим бўлган билим ва кўникмалар:
Талаба билиши лозим:
- корпоратив мақсад тушунчасини;
- саломатлик ва хавфсизлик устуворлигини асосий қоидаларини;
- малакали ходим моҳиятини;
- ходимларни ўз иш жойларини ташлаб кетиш таъсир этувчи омилларни.
Талаба бажара олиши лозим:
- корпоратив мақсадни белгилай олиши;
- очиқ мулоқот тушунчасини баён эта олиши;
- малакали ходимларнинг моҳиятини тушунтира олишни;
- ходимларни ўз иш жойларини ташлаб кетишига таъсир қилувчи омилларни санаб бера олишни.
Талаба қуйидагиларга эга бўлиши лозим:
- ўзаро фикр алмашув қобилияти;
- мунозараларда иштирок этиш кўникмаси;
- гуруҳ бўлиб ишлаш кўникмаси.
Кейснинг типологик белгиларига кўра тавсифи
Мазкур кейс кабинетда ҳал этиладиган, сюжетсиз кейслар тоифасига киради. Бу ташкилий-институционал, тренинг аҳамиятидаги кейс ҳисобланади. У ўртача ҳажмда бўлиб, махсус таркибий тузилмага эга. Ўқув машқлари савол ва топшириқлар кўринишида намоён этилган.
Дидактик мақсадларига кўра кейс муаммо, ечим ёки концепцияни ифодаловчи, таҳлил қилиш ва баҳолашга ўргатувчи кейслар тоифасига киради.
Мазкур кейсдан «Глобал ишлаб чиқариш тизими», «Замонавий ишлаб чиқаришни ташкил этиш усуллари» фанларидан қўшимча амалий қўлланма сифатида фойдаланиш мумкин.