Tarix kafedrasi

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan ketma-ketligi

O‘zbekiston tarixi fani asosiy ixtisoslik fani hisoblanib, 1-6 semestrlarda o‘qitiladi. Dasturni amalga oshirish o‘quv rejasida rejalashtirilgan Arxeologiya, Tarixiy o‘lkashunoslik, Ibtidoiy jamoa tarixi, Antropologiya, Tarixiy geografiya, Jahon tarixi, Falsafa fanlaridan yetarli bilim va ko‘nikmalarga ega bo‘lishlik talab etiladi.

Fanning ishlab chiqarishdagi o‘rni

Ilmiy tadqiqot muassasalarida, laboratoriyalarda kichik ilmiy xodim va yordamchi lavozimlarda ilmiy-tadqiqot ishlarini olib borishi; umumiy va o‘rta maxsus, kasbiy ta’lim (shuningdek, akademik litseylar, kasbhunar kollejlarida, o‘rta umumta’lim maktablarida) darslarni olib borishlari lozim.

Shuning uchun o‘quv yurtlarida tarix va fan o‘qituvchisi sifatida va uslubiyat ishlari bo‘yicha mas’ul vazifalarni bajarishi; muzey lektori va ekskursavodlar sifatida lektorlik, ekskursiya ishlarida; vazirliklarning o‘quv ilmiy bilimlari, tarmoq institutlari, oliy ta’lim muassasalari, o‘rta maxsus kasb-hunar ta’limida ishlash kabi kasbiy faoliyat turlarini bajarishi va tarix fanlaridan dars berishi mumkin. Fanni o‘qitishda zamonaviy axborot va pedagogik texnologiyalar

Talabalarning O‘zbekiston tarixi fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tatbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron materiallar, virtual stendlardan hamda o‘quv xaritalaridan foydalaniladi. Ma’ruza va amaliy mashg‘ulotlarni o‘tkazishda ularga mos ravishdagi ilg‘or pedagogik texnologiyalardan foydalaniladi.