Tarix // Sahodilla Rahimboyev

68. 1. Nadomat komida qolganlar, ayting.(A. Oripov) 2. Seningsiz menga kom yo‘qdir, Asal ichsam, zahar bo‘lg‘ay. (E. Vohidov) Berilgan gaplardagi kom so‘zi o‘zaro ma’no munosabatiga ko‘ra qanday so‘zlar?
A)ma’nodosh so‘zlar B) shakldosh so‘zlar
C) bir so‘zning turli ma’nolari D) paronim so‘zlar

69. ”Mahbub ul-qulub” dunyoning achchiq-chuchigini totgan, goho ”komronlig‘”, goho ”notovonlig‘” topgan buyuk shoir Navoiyning 60 yillik hayotiga yakun bo‘ldi. Ushbu gapda qo‘llangan komronlig‘ so‘zining ma’nosini aniqlang.
A)kamtarlik B) maqtov
C) buyuklik D) baxtlilik

70. So‘zing Shirin, o‘zung Xisravdin afzun, Bo‘lur Layli sening husnungga Majnun baytidagi afzun so‘zining lug‘aviy ma’nosi qaysi javobda ko‘rsatilgan?
A)go‘zal B) aqlli C) ortiq D) jasur

71. Qaysi gapda paronimlarni qo‘llash bilan bog‘liq uslubiy xato mavjud?
1. Besh asirkim nazmiy saroyni Titratadi zanjirband bir she’r. 2. Urish, noming o‘chsin jahonda! 3. Sanat saroyiga konsert tomosha qilgani bordik.
4. Og‘zi kuygan qattiqni ham puflab ichadi.
A)1, 3 B) 2, 3
C) 1, 2, 3 D) 1, 2, 3, 4

72. Qaysi qatorda berilgan so‘zlarning uchalasi ham shakldoshiga ega?
A) mushak, kadr, chang B) karam, kuy, et
C) davlat, oz, qil D) berilganlarning barchasi shakldoshso‘zlar

73. Yana bir istagim shuki, falakiyot, riyoziyot, handasa, tibbiyot, jug‘rofiya, adabiyot ilmidan xabar topsagina alloma deb tan olinsa. (Tohir Malik) Ushbu gapda qo‘llangan handasa so‘zining ma’nodoshini toping.
A)psixologiya B) geodeziya
C) geometriya D) hadisshunoslik

74. 1. Do‘sting uchun zahar yut. 2. Huvullab qolgan uyda yolg‘iz yashash qiyin. Hovli yutaman deydi. (S.Ahmad) 3. Arslon degan bir yigit kurashda tengqurlarini yutdi. Ushbu gaplarda qo‘llangan yutmoq fe’llari ma’no munosabatiga ko‘ra o‘zaro qanday so‘zlar hisoblanadi?
A) birinchi va ikkinchi gaplarda bir so‘zning ikki ma’nosi, uchinchi gapdagi
yutmoq fe’li birinchi va ikkinchi gaplardagi yutmoq fe’liga nisbatan
shakldosh so‘z
B) uchala gapdagi yutmoq so‘zlari o‘zaro shakldosh so‘zlar
C) birinchi gapdagi yutmoq so‘zi ikkinchi va uchinchi gapdagi yutmoq so‘zlariga nisbatan shakldosh so‘z, ikkinchi va uchinchi gapdagi yutmoq so‘zi o‘zaro bir so‘zning ikki ma’nosi
D) uchala gapdagi yutmoq so‘zi bir so‘zning, ya’ni ko‘p ma’noli so‘zning uch xil ma’nosi