Tarix // Sahodilla Rahimboyev

Morfologiya
Ot so`z turkumi.

1. Qaysi gapda mavhum ot ishtirok etgan?
A ) O'tirganlarning hammasi "gur" etib ustimga yopirildi.
B) Hamma narsani og’zida pishirdi-qo‘ydi, azamat.
C) Butun falokat va razolat ana shunda.
D) Axir peshonamda bitta-yu bitta, yakka-yu yagona qizim-a!

2. Osmon go‘zal oyi, quyoshi bilan, Inson go‘zal mardlik, bardoshi bilan. Fazilati, odobi, xulqi bilan, Chin xislati – noyob qalb mulki bilan. Ushbu gapda nechta ot so‘z turkumiga mansub so‘zlar mavjud?
A) 13 ta B) 12 ta C) 11 ta D) 14 ta

3. Mavhum ot yasovchi qo‘shimchalar bilan yasalgan ot ishtirok etgan gapni toping.
A) Shu on dushman piyodalarining allanechuk mast hayqirig‘i eshitildi.
B) Bundan uch-to‘rt kun avval Uzoq Sharqdan telegramma keldi.
C) Vujudimda hokimlik qilayotgan o’sha tuyg‘ular o’rnini shafqat, odamiylik egallab oldi.

4. Qaysi gapda -lar qo’shimchasi uslubiy ma’no ifodalamagan?
A) Humoyun Mirzo kecha oqshomlarda muborak huzuringizga otlangan ekan.
B) Shu payt qayerdandir ayol kishilarning shivir-shiviri eshitildi.
C) Hirotlar ham notinch bo‘lib ketdi.
D) U kishi diplom yoqladilarmi?

5. Sen yig’layver, go’zal bo’lasan, Dard chekaver husning ortadi. Senga yarashmaydi tabassum, Qiyofangga og’ir botadi. Ushbu gapda ot so’z turkumiga mansub nechta so’z qatnashgan?
A) 6 ta B) 5 ta C) 3 ta D) 4 ta

6. Quyidagi she’riy misralarda nechta ot so‘z turkumiga mansub so’z qatnashgan?
Yashash, bu – orzular qanotin kermoq, Yashash, bu – muhabbat gullarin termoq, Yashash, bu – umrning gulgun damlari, El uchun yashamoq, el uchun bermoq.
A) 8 ta B) 10 ta C) 11 ta D) 9 ta

7. Quyida berilgan gapda nechta shaxs oti qatnashgan?
Bahor oxirlab qolayotgan kunlarda shahzoda Abusaid qirq yigiti bilan ovga chiqdi.
A) 1 ta C) 3 ta C) 2 ta D) 4 ta