Tong quyoshi

TONG QUYOSHI

Tong. Oftoboyim uyg'ondi mana,

Zarrin nigoh ila atrofga boqib.

Iliq tafti ilavsiylab zaminni,

Qaynoq mehri havoda oqib.

Oh, quyosh, sen borsan, eriydi qorlar,

Taftingdan much olib uyg'onar zamin.

Sen borliging-chun men baxtiyorman,

Sending mehring ila to'liqdir kamim.

Ertalabdan salqin shaboda,

Silab o'tar ma'yus yuzlarim.

Semi ko'rgan chog'imda esa

Chaqnab ketar olov ko'zlarim.

Sening tafting nechun bunchalar iliq?!

Qalbing mehri, nuring, bunchalar qaynoq!

Qancha mehr bersang shuncha to'ymayman,

Nahotki qiyindir mehrga to'ymoq?

Qaniydi qorlarni eritgan shu'lang,

Qalblarga ham nazar tashlasa bir bor.

Qaniydi, yerlardan erigan qordek,

Dillardan ham erib ketsaydi g'ubor.

Iltimosim shudir, zarrin nuringni,

Sochavergin toki erisin qorlar.

Shunday nur taratki, sening taftingdan,

Hatto sergak tortsin tog'dek viqorlar.

Seni ko'rsam, dilim yayraydi,

Sening shu'lalaring dardimga malham.

Sekin artib qo'yar ko'zimdan namni,

Mayin, issiqqina qo'lchalar bilan.

Mana ertalabdan sen haqda o'ylab,

She'd yozaman deya niyat qilgandim.

Negadir yuragim boshqacha bo'lib,

Ko'zga yosh olishim sezdim, bilgandim.

Afsus, tun ham keldi, sen esa yo'qsan

Shirin uyqu to on yetaklar hayol.

Uyqu keldi. Oftobim, seni ertagacha,

Tush ko'rib, kutaman kelmasa malol!

Xayr, quyoshginam, nurli quyoshim,

Sen mening sevimli sirli sirdoshim!...