Тарқатма ва тақдимот материаллари

Ҳудудий индекслар. Мураккаб иқтисодий ҳодисаларнинг ҳудуд (корхона, ташкилот, туман, вилоят)лар бўйича нисбати статистикада ҳудудий индекслар деб юритилади. Бу индекслар ҳам алоҳида ва умумий кўринишда бўлиши мумкин.
Умумий ҳудудий индексларни ҳисоблаш жараёнида вазн масаласини аниқлашда анча-мунча қийинчиликларга дуч келинади. Бу ерда айниқса таққослаш базаси ва вазни қилиб қайси бир объектни (ҳудудни) танлаш тўғрилигини ҳал қилиш жуда ҳам муҳимдир.
Ўзаро боғланган индекслар, омилли таҳлил. Ўзаро боғланган индекслар ёрдамида ҳодисалар ўртасидаги боғланшини, натижавий белгининг умумий ўзгаришига таъсир қилувчи омиллар кучини таҳлил қилиш имконияти туғилади. Умумий индекслар ўртасида қуйидаги боғланишлар мавжуд.
Баҳо индексини сотилган маҳсулотнинг табиий ҳажми индексига кўпайтирсак, сотилган маҳсулот қиймати индекси келиб чиқади.

Таннарх индексини ишлаб чиқарилган маҳсулотнинг табиий ҳажми индексига кўпайтирсак, ишлаб чиқариш харажатлари индекси келиб чиқади:

Меҳнат унумдорлиги индексини сарф қилинган меҳнат миқдори индексига кўпайтирсак, ишлаб чиқарилган маҳсулотнинг миқдор индекси келиб чиқади:

Ҳосилдорлик индексини экин майдони индексига кўпайтирсак, ялпи ҳосил индекси келиб чиқади.

Баҳо индексининг тескари қиймати пулнинг сотиб олиш қудрати индексига тенг:

Доимий таркибли индексни тузилма силжишлари индексига кўпайтирсак, ўзгарувчан таркибли индекс келиб чиқади:

Реал иш ҳақи индекси номинал иш ҳақи индекси билан истеъмол буюмлари ва хизматлари баҳоси индексига бўлинганига тенг:

Статистикада агрегат индекслардан ташқари ўртача индекслардан фойдаланилади. Ўртача индекслар агрегат индексларни ҳисоблаш учун керакли маълумотлар бўлмаган холларда ҳисобланади. Масалан, нархлар тўғрисида маълумотлар бўлмаган, аммо жорий давр учун маҳсулотлар қиймати тўғрисидаги маълумотлар мавжуд ва ҳар бир товар бўйича индивидуал баҳо индекси маълум бўлган ҳолларда агрегат индексни индивидуал индексларнинг ўртача кўрсаткичи сифатида ҳисоблаш мумкин.