Taqrizchilar: S. J

Otilib chiqib oqqan tog’ jinslari (bazal tlar, andezitlar, diabaz va boshqalar magmaning yer yuzasida tez sovishi natijasida hosil bo’ladi (Tashqi (effuziv) otqindi jinslar magmaning tashqi yuzada juda tez qotishidan yuzaga keladi, bunda kristallanishi to’liq sodir bo’lmaydi va shishasimon yo’iq kristalli tarkibga ega bo’ladi).

Chuqurlikdagi tog’ jinslari (granitlar, sienitlar, diorit va boshqalar) yuqori qatlamlarining bosimi ostida yer qobig’ida magmaning sekin sovishi natijasida hosil bo’lgan (Ichki (intruziv) otqindi jinslar magmaning sekin qotishidan yuzaga keladi va donador-kristal tarkibga ega bo’ladi).

Chaqiq jinslar (mexanik yotqiziqlar) - haroratning keskin o’zgarishi, suv va shamol ta'sirida otqindi va boshqa tog’ jinslarining mexanik yemirilishidan hosil bo’lgan dag’al mahsulotlardir (brekchin, konglomeratlar, qum va boshqalar).

Gilli jinslar - silikat va alyumosilikatli minerallar tog’ jinslarining chuqur kimyoviy o’zgarishi natijasida yangi mineral turlariga o’tgan dis’ers mahsulotlardir.

Xemogen jinslar (kimyoviy cho’kindilar) - suv eritmalardan mineral moddalar cho’kkanida hosil bo’lgan va keyinchalik zichlangan hamda tsementatsiyalangan tog’ jinslaridir (dolomit, magnezit va boshqalar).

Organogen jinslar skeletlari va zirhlari tarkibida mineral moddalar bo’lgan tirik va o’simlik organizmlarining qoldiqlari cho’kishi natijasida hosil bo’lgan. Bunday cho’kindilar, odatda, zichlangan va tsementatsiyalangan bo’ladi (ohaktosh, bo’r va boshqalar).

Metamorfik yoki ko’rinishi o’zgargan tog’ jinslari cho’kindi yoki magmatik tog’ jinslarining yuqori harorat, yuqori bosim va boshqa omillarning ta’sirida o’z ko’rinishlarini o’zgartirishlari natijasida yer ‘o’stining qalinligida hosil bo’lgan.