Таълим вазирлиги Гулистон давлат университети

5. Ўғит сепиш машиналарини такомиллаштириш борасидаги республикамиз илмий-тадқиқот илмгоҳларида қатор ишлар қилинмоқда. Буларга Ўзбекистон қишлоқ хўжалигини механизациялаш ва электлаштириш илмий-тадқиқот институти (УзМЭИ)да амалга оширилаётган минерал ўғитни икки қатламга солиш; минерал ва органик ўғит аралашмаларини вегетация даврида озиқлантириш сифатида икки қатор ораларига солиш тсхнологияси ва қурилмаларини мисол келтирса бўлади. Бу усулларнинг афзаллиги шундан иборатки, ўғит ривожланаётган ниҳолга бир тскисда етиб бориши билан бирга тупроқни агрегат ҳолатини ҳам яхшилайди. Маълумки, полиз ва сабзавот ҳосили таркибида нитратларнинг кўп йигилишига минерал ўғитлардан нотўғри фойдаланига сабаб бўлади. Шу сабабли полиз экинларини етиштиришда фақат органик ўғитлардан фойдаланиш мақсадга мувофиқ деб топилган ва тегишли қарор чиқарилган. Бунга жавобан полиз уругини экиладиган эгат тубига махсус яратилган ишчи орган ёрдамида органик ўғит солиниб, кейин уруғ экилади. Бу технологияни ишлаб чиқаришга тадбиқ этилса, дала меҳнаткашларнинг ишини осонлаштириш билан бирга истеъмолчиларнинг саломатлиги муҳофаза қилинган бўлади.


Саволлар:
1. Ўғит сепишнинг қандай усуллари бор?
2. Ўғит сепишда қандай талаблар бор?
3. қотиб қолган минерал ўғитни тайёрлашда ишлатиладиган машиналарни
айтинг.
4. Ўғит сепкичларни қандай турларини биласиз?
5. Ўғит сепиш машиналаринилг асосий қисмларини гапириб берииг.
6.Органик ўғит сепиш машинасини нормага созлашни гапириб беринг.
7. Суюқ ўғитларни тупроққа солиш машиналарини гапириб беринг.
2.4-Мавзу: "ЭКИШ БА КЎЧАТ ЎТКАЗИШ МАШИНАЛАРИ"
Режа:
1. Экиш ва кўчат ўтказишга қўйиладиган агротехник талаблари

2. 
   Экиш ва кўчат ўгказиш усуллари
   
3. 
   Машиналарнинг асосий қисмлари ва ишлаш технологияси
   

Адабиётлар:6,10
1. Экиш ва кўчат ўтказишга қўйиладиган агротехник талаблари. Пахта, маккажўхори, дон ва сабзавот экинларининг ҳосилдорлиги илмий жиҳатдан асосланган экиш муддатларига, ўсимликларнинг далада жойлаштириш усулларига, уруғларнинг далада текис тақсимланишига ва экиш чуқурлигига кўп жиҳатдан боғлиқдир. Уруғларнинг ўзи эса Давлат стандарти талабларига мос келиши шарт. Уруғнинг унувчанлиги юқори бўлиб, йирик-майдалиги ва ташқи кўриниши бир хил бўлиши керак. Уруғ экиладиган далалар яхши текисланган ва ишланган бўлиб, дала юзасида 50мм дан йирик кесаклар ва ўсимликлар қолдиқлари бўлмаслиги керак. Тупроқнинг 0-10см чуқурлигидаги қатлами майдаланган бўлиб намлиги 20% дан ошмаслиги керак.