Таълим вазирлиги Гулистон давлат университети

3. Кўсак териш машинасининг тузилиши ва ишлаши. Машина қуйидаги асосий қисмларидан: рама, иш аппаратлари, тозалагич, кўндаланг шнекли траспортер, лентали траспортер ҳаво юклагич, вентилятор, бункердан иборат.
Машина юрганда унинг туп йўналтиргичлари ғўза тупларининг териш аппаратларининг иш тирқишига йўналтиради. Ҳар бир аппаратнинг иш тирқишида иккита қарама-қарши томонга айланувчи рифланган валиклар иш тирқишидан ўтаётган ғўзапоялардаги кўсак чаноқлари ва бошқа пахта аралашмаларини узиб, сидириб олиб, аппарат шнегидан новга ташлайди. Бу ердан юлинган аралашма кўндаланг шнекка узатилади. Кўндаланг шнек уларнинг лентали траспортернинг қабул дарчасига йўналтиради. Аралашма шнекларида бурилишда майда хас-чўплардан тозаланади. Траспортер кўсакни юқорига кўтариб, тозалагичнинг чақиш барабанига ташлайди. Бу ерда қабул камерасининг қопқоғига ўрнатилган махсус йўналтиргичи эса кўсак оқимини чақиш барабанининг эни бўйлаб бир хилда текис тақсимлаб ёяди.
Тозалагични уч хил технологик жараёнга мослаш мумкин 1-то-залагични кўсак чувишга мослаш; 2-тозалагични кўсак чақишга мослаш ва 3-тозалагични ишламайдиган қилиб, кўсак аралашмасини бункерга тўғридан-тўғри юбориш.
4. КИ-1,8 ва КИ-1,2 ғўзапоя юлгич-майдалагичлар. Ғўзапояларининг суғириш ва майдалаш билан бир вақтда уларни прецепга ортиш ёки далага сочишга мўлжалланган. Шунингдек бу машиналар ғўза пояларини уюмлайди ёки ғарамлайди. Бу машиналар бир-биридан асосан қамраш кенглиги билан фарқ қилади.
КИ-1,8 машинаси асосан рама, тақсимлаш редуктори, карданали вал, суғурувчи панжалар, шнекли рифелланган узатгичлар, таянч ғилдираклар, майдалагичлардан ва уларга ўрнатилган юклагичлардан иборат.
Машинанинг технологик иш жараёни қуйидагича ўтади. Машина юрганда туп йўналтиргичлар ғўзапояларини шнекли рифелланган жуваларга узатади. Ғўзапоянинг юқори қисми майдалаш аппаратига киради. Шунда ротор пичоғи майдалай бошлайди. Илдизлар панжадан ажралиши биланоқ жуваларнинг рифелланган қисми поянинг қолган қисминин майдалаш аппаратига узатади. Майдаланган масса юклагич орқали прецепга тушади ёки далага сочиб кетади.


САВОЛЛАР:
1. Пахта терадиган машинаиннг умумий тузилиши нималардан иборат?
2. Териш аппаратининг асосий қисмлари нимадан иборат?
3. Кўсак териш машинасининг вазифаси ва тузилиши.
4. Кўсак териш машинасининг технологик ишлаш жараёнини тушунтиринг.
5. Ғўзапоя юладиган машинанинг вазифаси ва тузилиши.
6. КИ-1,8 машинасининг ишлаш жараёнини тушунтиринг.