Таълим вазирлиги бухоро давлат университети “ Психология” кафедраси

Семинар машғулотларида семинаролди машғулотларига нисбатан ўта муҳим вазифалар ҳал қилинади. Масалан, айрим семинарлар тематик боғланган муайян мунтазам курсни чуқур ўрганишни мақсад қилиб қўяди. Бошқалари эса бирор мавзуни ёки курснинг алоҳида ва ниҳоятда муҳим ва умумий бўлган мавзуларини методологик жиҳатдан ишлаб чиқишга бағишланган бўлади.
Махсус семинарлар лекция мавзуларига алоқадор бўлмайди ва бирор фаннинг дастури мазмунига кирмайди. Одатда фаннинг хусусий масалаларини чуқур ўрганиш мақсадини кўзлайди.

Талабаларнинг маърузалари бўйича изоҳлар қуйидагича бўлиши керак:

• 
  мустақил фикрлашга йўналтириб туриш;
  
• 
  тавсия этилаётган масаланинг моҳияти ва шаклини аниқлаш;
  
• 
  талабалар баҳсидаги нуқтаи назарларни дарров фарқлаб олиш;
  
• 
  масаланинг ностандарт ҳал қилинишини рағбатлантириш.
  

Таъкидлаш жоизки, семинар машғулотларида талабаларни фаоллаштириш, мақсадида улар томонидан рефератлар ёзиш, уларни муҳокама қилиш ва тақриздан ўтказишга жалб этилади.
Лаборатория машғулотлари. Лаборатория машғулотларининг асосий тавсифи шундаки, унда талабалар мустақил равишда вазифа бажарадилар ёки эксперимент ўтказадилар.
Илмий-техник тараққиёт шароитида лаборатория ишлари талабага назарий билимларни қўллаш механизмини чуқур ва кўргазмали ўрганиш имконини беради. Лаборатория машғулотлари талабада тадқиқот ўтказиш кўникмаларини шакллантиради, фан ва техникага ижодий ёндашишни таъминлайди, экспериментнинг умумий методикасини эгаллашга имкон беради.
Лаборатория машғулотларини ўтказишда қуйидаги дидактик тамойилларга амал қилинади:

• 
  лаборатория машғулотларини режалаштира олиш ва ўтказа олиш;
  
• 
  лаборатория машғулотларининг мақсадини аниқ белгилаб олиш;
  
• 
  фан ва ишлаб чиқариш бўйича билимларни чуқурлаштириш имкониятларига талабаларда қизиқиш уйғотиш;
  
• 
  талабада натижани мустақил равишда қўлга киритиш имкониятини таъминлаш;
  
• 
  талабани назарий жиҳатдан тайёрлаш;
  
• 
  лаборатория машғулотлари нафақат аниқ мавзу бўйича билимларни якунлаш, балки талабаларни тарбиялаш манбаи ҳамдир.
  

Мутахассислар тайёрлаш тизимини тубдан қайта қуришда, ўқув-тарбия жараёнининг аҳамиятини оширишда талабаларнинг мустақил ишлари муҳим ўрин эгаллайди. Таҳлиллар шуни кўрсатадики, мустақил ишлар деганда шундай ўқув фаолияти тушуниладики, унда билимлар эгалланиши билан бирга, кўникмалар шакллантириш ҳам мустақил ташкил этилиши таъминланади. Бу эса амалиётда хусусий-дидактик мақсадларга боғлиқ равишда 4 та мустақил иш типида амалга ошади.