Режа: кириш: I боб. Махаллий саоат корхоналари маҳсулотларини сифатини оширишда рақобат ва рақобатбардошлик назарияси

Махаллий саоат корхоналари маҳсулотлари сифати ва рақобатбардошлигини ошириш йўллари “Samarkand Apparel” ХК нинг мисолида
Режа:
КИРИШ:
I БОБ. Махаллий саоат корхоналари маҳсулотларини сифатини оширишда рақобат ва рақобатбардошлик назарияси.
1.1. Махаллий саоат корхоналарини маҳсулот сифатига бренднинг боғлиқлиги ва тасири
1.2. Рақобатлашган бозор шароитида давлатнинг ўрни ва аҳамияти.
II БОБ. Махаллий саноат корхоналари маҳсулот сифати ва рақобатбардошлигини оширишда. “Samarkand Apparel” ХК нинг маркетинг тахлили
2.1. Маҳсулот сифатини оширишда “Samarkand Apparel” ХК нинг инновацион ривожланиш стратегиясининг тахлили.
2.2. Маҳсулот сифатини оширишда “Samarkand Apparel” ХК нинг маркетинг ва БКГ тахлили.
Хулоса ва таклифлар
Фойдаланилган адабиётлар
Иловалар
КИРИШ
Ўзбекистоннинг ижтимоий жиҳатдан йўналтирилган бозор иқтисодиёти моделини жадал ривожлантириш ташқи иқтисодий фаолиятга эътиборни кучайтириш, шунингдек, жаҳон ҳўжалик алоқаларига интеграциялаш йўлларини белгилаш ва эркин халқаро рақобат шароитида муваффақиятга эришиш илғор тажрибасини кенг жорий қилиш билан боғлиқдир.
Мамлакатимиз мустақилликка эришганидан сўнг иқтисодиётда таркибий ўзгаришларни амалга ошириш, экспортга йўналтирилган ишлаб чиқариш корхоналарини ташкил этиш ва уни техник-технологик жиҳатдан янгилаш орқали рақобатдош маҳсулот ишлаб чиқариш, янги ҳудудий бозорларни эгаллаш ҳамда мамлакатнинг экспорт салоҳиятини янада оширишга қаратилган чора тадбирларга катта аҳамият берилди.
Шунингдек, Ўзбекистон Республикасини ривожлантиришнинг 2017-2021 йилларга мўлжалланган харакатлар стратегиясининг иқтисодиётни ривожлантириш ва либераллаштириш номли учинчи устувор йўналишида ҳам айнан “экспорт фаолиятини либераллаштириш ва соддалаштириш, экспорт таркибини ва географиясини диверсификация қилиш, иқтисодиёт тармоқлари ва ҳудудларнинг экспорт салоҳиятини кенгайтириш ва сафарбар этиш, принципиал жиҳатдан янги маҳсулот ва технология турларини ўзлаштириш, шу асосда ички ва ташқи бозорда миллий товарларнинг рақобатдошлигини таъминлаш” дан иборат маҳаллий ишлаб чиқариш корхоналарнинг экспорт салоҳиятини ривожлантириш йўллари амалга оширилиб келмоқда.
Ҳар қандай мамлакат ривожида миллий иқтисодиётнинг дунё бозорларида рақобатбардош маҳсулот ишлаб чиқариш ва уни жаҳон нархларида сотиш қобилияти ҳисобланган экспорт салоҳияти ниҳоят катта аҳамиятга эга. Амалга оширилаётган изчил ислоҳотлар доирасида нафақат импорт ўрнини босувчи, балки экспортга йўналтирилган товарлар тайёрлаш жараёни учун ҳам ҳуқуқий, ҳам институционал шарт-шароитлар яратилмоқда. Айниқса, экспортга етказиб бериш турларини кўпайтириш ва географиясини кенгайтириш бўйича мавжуд резервларни энг кўп даражада сафарбар этиш, шунингдек, экспорт қилувчи корхоналарни ҳар томонлама қўллаб–қувватлаш, экспорт қилувчиларнинг анъанавий ташқи бозорлардаги мавқеларини мустаҳкамлаш ва янги бозорларни ўзлатиришга доир комплекс чора – тадбирлар кўрилмоқда. Энг муҳими, бу борада саьйи-ҳаракатлар ижобий натижаларни бермоқда.
Президентимиз белгилаб берган вазифалардан бирига қуйидагилар киритилган: “Экспортни янада рағбатлантириш мақсадида техник жиҳатдан тартибга солиш тизимини халқаро стандартларга уйғунлаштириш лозим. Асосий мақсадларимиздан бири – ташқи бозорга сифатли ва сертификатланган маҳсулотларни “ўзбек бренди” номи билан олиб чиқишдан иборат”. Ўзбекистон енгил саноати мамлакат иқтисодиётининг кўп тармоқли, инновацион жозибадор секторларидан биридир. Бугунги кунда енгил саноатнинг ЯИМдаги улуши 3,8 %, саноат маҳсулотлари ҳажмида 26,2 %, ноозиқ-овқат маҳсулотларига нисбатан 44 %ни ташкил этаётганлиги ҳам тармоқнинг республикамиз иқтисодиётидаги ўрни катта эканлигини кўрсатади. Соҳа корхоналарида маҳсулот ишлаб чиқариш ҳажмининг ўртача йиллик ўсиши 20 %, экспорт ҳажмининг ўсиши эса 10 %ни ташкил этмоқда.
Енгил саноат маҳсулотлари бозорини ривожлантириш стратегияси биринчи навбатда, соҳа машинасозлигини шакллантиришга қаратилмоқда. Бу борада амалга оширилган Швейцария-Ритер-Ўзбекистон тўқимачилик ва енгил саноати машинасозлигини ривожлантиришга қаратилган инвестиция лойиҳасини таъкидлаб ўтишимиз зарур. Тўқимачилик ва енгил саноат машинасозлигининг ривожланиши эса амалдаги корхоналарни қайта жиҳозлаш ва модернизациялашда, юқори технологияли янги корхоналарни барпо этишда муҳим ўрин тутади.
Ҳозирги пайтда экспортнинг кенгайиши, иқтисодий ўсишини таъминлаш, ишлаб чиқариш самарадорлигини ошириш, янги жойларни яратиш ва аҳолининг турмуш даражасини ошириш учун янги имкониятлар очади. Биз биламизки, сўнгги йилларда Ўзбекистонда корхоналарнинг ташқи савдо алоқаларининг сезиларли ўсиши ва экспорт таркибининг яхшиланиши кузатилмокда. Ташқи савдо ва экспорт салоҳиятинииг ўсишида ва бунинг натижасида миллий иктисодиёт рақобатбардошлигининг мустаҳкамланишида экспортга йўналтирилган корхоналарнинг ўрни ошиб бормоқда.
Жамият тараққиётида бозор муносабатларининг ҳар бир иштирокчисида ўз иқтисодий фаолиятини баҳолаш кўникмаларини ҳосил этиш, ташқи иқтисодий фаолият билан боғлиқ бўлган шартномалар тузиш, ҳамкорларни танлаш, халқаро маркетинг тамойилларидан ўз фаолиятларида фойдаланиш, шулар асосида қарорлар қабул қилиш, ишлаб чиқариш самарадорлигини оширишнинг, жаҳон бозорига рақобатбардош маҳсулотлар чиқаришнинг қудратли омили сифатида майдонга чиқади. Бугунги кунда олиб борадиган тадқиқотлар маркетингли ёндашув асосида бўлганлиги туфайли экспорт салоҳияти, экспорт ишлаб чиқариши, экспорт имкониятлари, экспортга ихтисослашув каби тушунчаларни ҳар томонлама илмий-услубий ўрганиб, уларнинг миллий иқтисодиётимизда тутган ўрнига баҳо беришга қаратилади. Шу билан бирга, экспортга йўналтирилган ишлаб чиқаришнинг назарий ва амалий моҳиятини очиш ҳамда унинг халқаро меҳнат тақсимотида тутган ўрнига эътибор қаратиш назарда тутилади.