Ta’lim qoraqalpoq tili. Baymenova K

1..Qoraqalpoq va o‘zbek  tillarini o‘zaro  qiyoslash  orqali.  Bu  usul deyarli 

barcha  mavzularni  o‘rganishda  amalga  oshiriladi.  O‘qituvchi  o‘quvchilarga 

berilgan  tovush  (harf),  so‘z,  so‘z  birikmasi,  gap  va  matnlarni  o‘zaro  qiyoslashni 

topshiradi.  Egallangan  bilimlarga  tayangan  qolda  ularning  o‘xshashlik  va  farqli 

tomonlari o‘quvchilar tomonidan mustaqil aniqlanadi. 

2.Tahlil  orqali.  O‘zbek  tili  darslarida  muammoli  vaziyat  yaratishning  bu 

usulidan ham keng foydalaniladi. "O‘zbek tili" darsligida o‘quv materiali induktiv 

usulda  berilgan.  Bu  muammoli  vaziyat  yaratish  uchun  imkoniyat  tug‘diradi. 

O‘quvchilar mavzu yuzasidan berilgan mashqlarni bajarishgach, hukm va xulosalar 

chiqarishga  kirishiladi.  Masalan,  Ng,Sh,Ch  harfiy  birikmalarining  talaffuzi  va 

imlosi  yuzasidan  darslikda  berilgan  3  ta  topshiriq  (1-topshiriq-ustunchalarda 

berilgan  so‘zlarda  Ng,  harfiy  birikmasini  qiyoslab  o‘qing  va  savollarga  javob 

bering;  2-topshiriq-birinchi  va  ikkinchi  ustunchalardagi  so‘zlarni  qiyoslab  o‘qing. 

O‘zbek  tilidagi  Ng  birikmali  so‘zlarning  qoraqalpoq  tilida  o‘qilishi  va  yozilishi 

haqida xulosa chiqaring, savollarga javob bering; 3-topshiriq berilgan gaplarda Ng 

harfiy  birikmasi  nechta  tovushni  ifodalayotganini  aniqlab  unga  sharh  bering.) 

bajarilgach, o‘qituvchi quyidagi muammoni o‘rtaga tashlaydi: 

-  Nima  uchun  Ng,  Sh,  Ch  harfiy  birikmalarini  bir-biridan  ajratgan  holda 

qatordan-qatorga ko‘chirish mumkin emas?