Talabalarning kasb ta’limi

O’qitish jarayonining rivojlantirish imkoniyatlarini yetarlicha baholamaslik, o’qituvchining talabalar tomonidan faqatgina bilim va stereotip faoliyat usullarini o’zlashtirishga e’tibor berishi talabalarda reproduktiv fikrlash usulining shakllanishiga olib keladi (xotira, diktat va qabul qilish rivojlanadi). Produktiv ijodiy tafakkur, shaxsning emotsional sohasi kam rivojlanadi. Oqibatda nostandart masalalarni, murakkab kasbiy muammolarni yechishni talaba eplolmaydi.

O’qitish jarayonining strukturaviy komponentalari. Shaxs komponenti. O’qitish jarayoni sub’ektlari - pedagog va talaba. Bir tomondan, o’qitishni tashkil etish pedagogdan muayyan pedagogik mahorat darajasini talab qiladi. Ikkinchi tomondan, bu jarayonni tashkil qilishda boshlang’ich yo’llanma bo’lib talabalarning o’rganish imkoniyatlari va ularning o’qishga tayyorlik darajasi, motivatsiyasi, bilish extiyojlari va qiziq;ishlari xizmat qiladi.

Maqsad komponentasi. O’qitish maqsadlari O’MKX.T davlat ta’lim standart, malakaviy xarakteristika, mutaxassis modelida professional shaxsi va faoliyatiga qo’yiladigan talablar bilan aniqlanadi. Shu bilan birga ular bu talablar o’quvchilarning real imkoniyatlari, ehtiyojlari va qiziqishlari bilan, o’qitiladigan kurs mazmuni bilan solishtirish asosida aniqlashtiriladi. Shunday qilib, maqsadlar ierarxiyasi ko’riladi va unga o’quv jarayonining shaxs komponentasi xisobiga aniqlik kiritiladi.

Mazmun komponentasi, O’qitish mazmuni qo’yilgan maqsadlarga erishish uchun talabalar tomonidan o’zlashtirilishi lozim bo’lganlardan iborat bo’ladi. Uning minimumi O’MKX.T DTS i bilan aniqlanadi. DTS asosida kasb ta’limi muassasasining o’quv rejalari hamda muayyan o’quv fani dasturlari ishlab chiqiladi. O’quv materialining mazmunini tanlashda pedagog o’quvchilarning o’rganish imkoniyatlari va ko’nikmalarini ham disobga oladi.

Operatsion-faoliyat komponenti (o’qitish shakllari, metodlari, uslublari, texnologiyalari). O’qitish maqsadlari va vazifalarini amalaga oshirish muayyan metod, usul, texnologiyalar, tashkiliy shakllar yordamida o’quvchi bilan o’zaro aloqani tashkil qilish asosida amalga oshiriladi.