Talabalarni ijtimoiy faollik asosida ijtimoiy hayotga tayyorlashning pedagogik asoslari

III bob xulosasi.

Umumiy xulosalar.
Tajriba – sinov ishlari tahlili. Foydalanilgan adabiyotlar ro’yhati.
KIRISH
“Sog’lom bola” yilining qabul qilinishi – barkamol avlod va uning kamoloti – xalq ta’limi tizimining dolzarb muammosi bo’lib, barkamol avlod esa, yurtboshimiz I.A.Karimov ta’kidlaganidek, yuksak ongli, mustaqil fikrlaydigan, xulq-atvori bilan ibrat bo’ladigan, ijtimoiy-iqtisodiy taraqqiyotni ta’min etuvchi ijtimoiy faol, aqlan, ma’nan, jismonan yetuk sog’lom yoshlardir¹. Jamiyatimizda sog’lom turmush tarzi qaror topayotgan bugungi kunda o’sib kelayotgan yosh avlodda ijtimoiy faollikni tarbiyalash muhim ahamiyat kasb etadi. Ma’lumki, ijtimoiy faollik - falsafiy tushuncha bo’lib, u har bir kishining hayotdagi, turmushdagi tutgan o’rni, ijtimoiy voqelik, unda yuz beradigan o’zgarish, yangiliklarga munosabati, shuningdek, uning yaratuvchilik borasidagi ishtirokini anglatadi.
“Sog’lom bola yili” davlat dasturida ifodalangan yosh avlodni har tomonlama shakllantirish g’oyalari mohiyatiga ko’ra o’quvchilarni ijtimoiy faollikka tarbiyalashni nazarda tutadi.
Ijtimoiy tabiyatiga ko’ra, shaxs doimo jamiyat ichida, ijtimoiy munosabatlar doirasida rivojlanadi, shu nuqtai nazardan qaraganda, shaxsni ijtimoiy faollikka tayyorlash obyektiv omillar yordamida va subyektiv ta’sir ko’rsatish asosida tashkil etiluvchi ijtimoiy pedagogik jarayon bo’lib, dialektik va dinamik xususiyatga ega. Ya’ni, o’quvchilarning ijtimoiy faolligi bosqichma- bosqich amalga oshirilishi bilan birga “past-o’rta-yuqori” uchligi asosida muayyan daraja ko’rsatkichlarini ifodalaydi. Shuningdek, kasb-hunar kolleji o’quvchilarini ijtimoiy hayotga tayyorlash murakkab, keng ko’lamli, uzoq muddatli jarayon sanaladi. Mazkur jarayonning samarali tashkil etilishi jamiyatda faoliyat yuritayotgan ijtimoiy subyektlar imkoniyatlarini yagona





¹ I.A. “Yuksak ma`naviyatli, jismonan barkamol yoshlarni tarbiyalash – umummilliy vazifa” Huquq gazetasi 5-bet 2014 yil 3/IV
nuqtaga to’plash va ulardan unumli, maqsadli foydalanish hisobiga ta’minlanadi.
Jamiyat taraqqiyotini yangi bosqichga ko’tarish, kelajak avlod haqida qayg’urish, sog’lom, barkamol yoshlarni tarbiyalash va ularni ijtimoiy faollik asosida ijtimoiy hayotga tayyorlash oila, mahalla va barcha ta’lim muassasalarining dolzarb vazifalari bo’lib, mamlakatimizning kelajagi yosh avlodga, ularning sog’lom, aqlan yetuk va axloqan barkamolligiga bog’liq.
Prezidentimiz aytganidek: “Qobil farzandlar o’stirish, ularninng jismoniy, ham ma’naviy jihatdan faol qilib tarbiyalash, kamolini ko’rish, Vataniga, ota- onasiga sadoqatli kishilar etib voyaga yetkazishdan iboratdir”.
“Bugungi kunda yashayotgan har bir inson o’z farzandining baxt saodatini, kamolini ko’rish uchun, shu zamonni gullab-yashnashi uchun qo’lidan kelganicha harakat qiladi. Farzandlarining barkamol, sog’lom rivojlanishiga ko’maklashishi oila va barcha ta’lim muassasalarida amalga oshiriladi. Shu bois, har birimiz buyuk insonlarning tarbiyalanishida mas’ul ekanmiz, go’zal Vatanimizning yangi avlodini shakllantirish, ularni demokratik jamiyat qurishiga tayyorlashdek buyuk vazifani bajarishimiz va Vatanimizni jahon miqyosidagi kamolot bosqichiga ko’tarish uchun bor kuch-g’ayratimizni ayamasligimiz zarur”².
Ushbu g’oyani amalga oshirishda O’zbekiston Respublikasining mustaqilligi davrida ilk farmon ona va bolalikni muhofaza qilishdan iborat bo’lib, sog’lom avlodni tarbiyalshga katta ahamiyat berilganidadir.
“Sog’lom avlod tushunchasi tarixiy ahamiyatga ega bo’lib, o’z davrining komil insoni hisoblanadi. Demak, sog’lom yoshlar har qachon, har yerda o’z fikriga, sog’lom mulohazasiga ega bo’ladi, xalq va Davlat manfaatini himoya qiladi. Uning aql-zakovati, intellekti, teran dunyoqarashi orqali o’z maqsadiga erishish yo’llarini qidirib topadi”³.


² “Barkamol avlod yili” Davlat dasturi amalda Toshkent 2010 yil
³ I.A.Karimov “Sog`lom bola yili” Davlat Dasturi Toshkent 2014yil 3-bet
Barkamol shaxs hamisha o’z Vatani kamolotini rivojlantiradi, uning ravnaqi yo’lida umrini baxshida etishni o’z burchi deb biladi. 2013-yil 6 dekabr kuni prezidentimiz I.A.Karimovning O’zbekiston Respublikasi Konstitutsiyasi qabul qilinganligining 21 yilligiga bag’ishlangan tantanali marosimdagi ma’ruzasini tinglar ekanmiz: Prezidentimiz 2013-yil “Obod turmush yili” yakuni va ana shularni hisobga olgan holda sog’lom avlodni voyaga yetkazish borasidagi ishlarni davom ettirish asosida 2014-yilni mamlakatimizda “Sog’lom bola yili” deb e’lon qilishni va quyidagi 5 ta masala:

1. 
   Sog’lom bola- avvalo, sog’lom va ahil oilaning mevasidir. 2.Sog’liqni saqlash tizimining o’rni va ta’siri.
   

3. 
   Ta’lim-tarbiya va sportning o’rni va ta’siri.
   
4. 
   Mamlakatimiz va jamiyatimizning e’tiborida bo’lish.
   
5. 
   Mahalla va ijtimoiy tuzulmalarning o’rni haqida ta’kidlab o’tdilar.