Talaba bahori yoshlar festivali

1-shart “Tanishtiruv” deb nomlanadi, bu shartda jamoalar fakultet tarixi, fakultetda ilmiy, ijodiy izlanishlar uchun yaratilgan sharoitlar va jamoaning logotipi (emblemasi)ni mazmuni to‘g‘risida ma’lumot beradilar. Tanishtiruv sheriy, hajviy ko‘rinish, qo‘shiq tarzida o‘tkazilishi mumkin.
Shart yakunida jamoa shiori aytiladi hamda Vatanni madh etuvchi qo‘shiqlardan biri jamoa bo‘lib ijro etiladi.
Ushbu shartga 7 daqiqa vaqt beriladi va 10 ballik mezonda baholanadi.


2-shart “Dolzarb muammo”.
Jamoalar “Biz jinoyatchilik va huquqbuzarlikka qarshimiz!” shiori ostida jinoyatchilik va huquqbuzarlik, odam savdosi, giyohvandlik, korrupsiya, ekstremizm va terrorizmning mudhish ko‘rinishlari, mazkur jinoyatlarni barvaqt oldini olish hamda ularga qarshi kurashish bo‘yicha o‘zlarining takliflarini dramatik sahna ko‘rinishi orqali namoyish etadilar.
Chiqishlar yangi tayyorlanishi shart, avval namoyish etilganlardan foydalanish mumkin emas.
Ushbu shartga 10 daqiqa vaqt beriladi va 10 ballik mezonda baholanadi.

3-shart “Talabalar hayoti” deb nomlanib, bu shartda jamolar talabalar hayotiga oid qiziqarli ko‘rinishlar, talabalarni qiziqtiradigan jarayonlarni sahna ko‘rinishi orqali namoyish etadilar.
Ushbu shartga 10 daqiqa vaqt beriladi va 10 ballik mezonda baholanadi.


4-shart “Savol-javob”. O‘zbekiston Respublikasi Prezidentining “Yangi – O‘zbekiston strategiyasi” asari, 2022-2026-yillarga mo‘ljallangan Yangi O‘zbekistonning taraqqiyot strategiyasi, yoshlar va oliy ta’limga oid davlat siyosati asosida tuzilgan savollarga javob beradilar.
Ushbu shartda hakamlar Hay’ati tomonidan beriladigan savollarga jamoalar a’zolari javob beradilar. Bu shartda 10 ta savol beriladi. Savolga javobni topish uchun 30 sekund vaqt ajratiladi va 1 ballik mezon bilan baholanadi.
Savollar har bir jamoa a’zosiga bittadan beriladi va jamoa a’zosi shaxsan o‘zi javob beradi. Jamoaviy bo‘lib javob berish mumkin emas.
Ushbu shartga 10 ballik mezonda baholanadi.