Talaba bahori yoshlar festivali

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI

FARG‘ONA DAVLAT UNIVERSITETI

“TASDIQLAYMAN”

Farg‘ona davlat universiteti rektori
_________B.Shermuhammadov
“___” __________ 2022-yil

“TALABA BAHORI” YOSHLAR FESTIVALI


N I Z O M I


Farg‘ona – 2022
“Talaba bahori” yoshlar festivalini tashkil etish va o‘tkazish
tartibi to‘g‘risidagi
NIZOM


I. UMUMIY QOIDALAR

1. 
   Mazkur Nizom Farg‘ona davlat universitetida tahsil oluvchi talabalar o‘rtasida “Talaba bahori” festivalini (keyingi o‘rinlarda festival deb yuritiladi) o‘tkazish tartibini belgilaydi.
   
2. 
   Festivalda 15 ta fakultetlarning talabalaridan tashkil topgan jamoalar ishtirok etadi.
   
3. 
   Festivalda fakultetlarning jamoalari jadval (Nizom ilovasi) asosida ishtirok etadilar.
   

2. 
   FESTIVALNING MAQSAD VA VAZIFALARI
   
   1. 
      O‘zbekiston Respublikasi Prezidentining 2022-yil 19-yanvardagi 92-sonli qarori, O‘zbekiston Respublikasi Prezidenti maslahatchisining birinchi o‘rinbosari, mahallarda yoshlar bilan ishlash masalalarini muvofiqlashtirish bo‘yicha respublika komissiyasi raisi K.Kuranbayev tomonidan 2022-yil 17-mart kuni o‘tkazilgan yig‘ilish bayoni, Farg‘ona viloyat hokimligining 2022-yil 24-martdagi 89/01-49-sonli yig‘ilish bayoni, Universitet kengashining 2022-yil 4-martdagi 7-yig‘ilish bayonida belgilangan vazifalar ijrosini ta’minlash hamda talabalarning bo‘sh vaqtlarini mazmunli tashkil etish, Yangi O‘zbekistonda olib borilayotgan ma’naviy-ma’rifiy, ijtimoiy-iqtisodiy va siyosiy islohotlarni talaba-yoshlar orasida keng targ‘ib qilish, ularning tub mohiyatini yoshlarga yetkazish va bu borada ularning bilimlarini oshirish;
      
   2. 
      Yangi O‘zbekistonning taraqqiyot strategiyasi, “2022-2026-yillarga mo‘ljallangan Yangi O‘zbekistonning taraqqiyot strategiyasini “Inson qadrini ulug‘lash va faol mahalla yili” Davlat dasturi hamda 5 tashabbus ijrosining mazmun-mohiyatini talabalar o‘rtasida keng targ‘ib qilish hamda bu boradagi bilimlarini yanada mustahkamlash;
      
   3. 
      Talaba-yoshlarda milliy an’ana va udumlarga hurmat tushunchalarini shakllantirish, ularning ongiga milliy g‘oyani singdirish.
      
   4. 
      Yoshlar o‘rtasida ijtimoiy-ma’naviy muhitni yanada sog‘lomlashtirish va talabalar o‘rtasida do‘stlik munosabatlarini mustahkamlash.
      
   5. 
      Yoshlarni o‘z bilimi va iste’dodlarini namoyon etishlari uchun imkoniyatlar yaratish.
      
   6. 
      Iqtidorli va iste’dodli yoshlarni tanlab olish va ularni birlashtirish.