Тактиканинг фан сифатида вазифалари

Motoo‘qchi guruhning hujumdagi jangovar tartibi va vazifalari (variant).
Motoo‘qchi (tank) guruhi(seksiyasi, tanki)ning hujum ob’ekti bo‘lib odatda okoplardagi yoki tayanch punktining boshqa fortifikatsiya inshootlaridagi dushman hamda hujum yo‘nalishida alohida joylashgan tanklar, artilleriya qurollari va dushmanning boshqa o‘t ochish vositalari hisoblanadi.

Motoo‘qchi vzvodga o‘t ochish bilan ko‘maklashish guruhining granatomyot va pulemyot seksiyalariga yakson qilishi lozim bo‘lgan nishonlar, o‘t ochish yo‘nalishi va hujum yo‘nalishi ko‘rsatiladi.

Piyoda tartibda hujum qilayotgan motoo‘qchi guruhning jangovar tartibi (9-rasm) tutashuv chizig‘idan, piyodalar jangovar mashinalari (bronetransportyorlar) ning va kuchaytirish vositalarining jangovar chizig‘idan iborat.

Piyodalar jangovar mashinalari (bronetransportyorlar) da hujum qilayotgan motoo‘qchi guruhining (10-rasm) va tank guruhining (11-rasm) jangovar tartibi jangovar chiziqda yoki uning ortida harakat qiluvchi, o‘rtalarida 100 m gacha interval bo‘lgan jangovar mashinalar hamda kuchaytirish vositalarining jangovar chizig‘idan iborat.

To‘liq tarkibda piyoda tartibda harakat qiluvchi granatomyot (12-rasm) va pulemyot (13-rasm) ko‘maklashishi guruhning jangovar tartibi front bo‘ylab granatomyotlar o‘rtasida 10-20 m interval bilan, pulemyotlar va piyodalar jangovar mashinalari (bronetransportyorlar) o‘rtasida 25 m gacha interval bilan yoyilgan raschyotlardan iborat.

Piyoda tartibda hujum qilayotgan motoo‘qchi seksiyaning jangovar tartibi (14-rasm) askarlar o‘rtasida 10 m gacha (12-14 qadam) interval bo‘lgan jangovar tutashuv chizig‘i va piyodalar jangovar mashinalari (bronetransportyorlar) dan iborat. O‘t ochishni olib borishga qulay bo‘lishi va joyning xususiyatlaridan foydalanish uchun askarlar ob’ektga hujum qilganda seksiya frontining umumiy yo‘nalishini buzmagan va qo‘shinlarning harakatlariga xalaqit bermagan holda birmuncha oldinga yoki chetga siljishlari mumkin. Piyodalar jangovar mashinasi (bronetransportyor) seksiyaning jangovar tutashuv chizig‘ining ortida, uning qanotida yoki bevosita jangovar tartibda harakat qiladi.