Тактиканинг фан сифатида вазифалари

2.4.Motoo‘qchi guruhning tayanch punkti seksiyalarning pozitsiyalaridan, piyodalarning jangovar mashinalari (bronetransportyorlar) va biriktirilgan o‘t ochish vositalarining o‘t ochish pozitsiyalari, tank guruhining tayanch punkti esa – tanklar va biriktirilgan vositalarning o‘t ochish pozitsiyalaridan iborat.


Pulemyot seksiyasining mudofaadagi jangovar tartibi (variant).
Guruhlarning tayanch punktlari o‘rtasidagi oraliqlar 200 m gacha, seksiyalarning pozitsiyalari o‘rtasidagi oraliqlar esa 50 m gacha bo‘lishi mumkin. Ular uzluksiz kuzatuv ostida bo‘lishi, o‘t ochish va g‘ovlar yordamida to‘sib turilishi lozim.

Motoo‘qchi guruh tayanch punktining butun fronti bo‘ylab yaxlit xandaq qaziladi va u motoo‘qchilar uchun qazilgan bir kishilik (juftlik) okoplarni, piyodalarning jangovar mashinalari, tanklar, boshqa o‘t ochish vositalari uchun hamda shaxsiy tarkibning yashirinishi uchun qazilgan okoplarni birlashtiradi. Tayanch punktidan mudofaa ichkarisiga qarab xabar berish yo‘li qaziladi va o‘t ochishni olib borish uchun jihozlanadi. Xandaq, okoplar va xabar berish yo‘li hujum qilayotgan dushmanga qarshi yon qanot bo‘ylab kesuvchi o‘t ochish, yashirin manyovr qilish va o‘t otish vositalarini bir erga jamlash hamda guruh mudofaasining tuzilishi borasida dushmani chalg‘itishni ta’minlashi kerak.

Birinchi xandaq mudofaaning oldingi marrasi hisoblanadi va birinchi eshelonning motoo‘qchi guruhlari tomonidan mudofaa qilinadi. U dushmanni yaxshi kuzatishni, oldingi marraning oldida, yon qanotlarda, mudofaa oraliqlarida barcha turdagi yalpi ko‘p qatlamli o‘t ochish hamda o‘t ochishni mudofaa ichkarisidan olib borishni ta’minlashi lozim.