Тактиканинг фан сифатида вазифалари

Tuzoqlar


8. HARBIY TOPOGRAFIYA
Erning fazodagi umumiy ko‘rinishi geoid, deb nomlanadi. Butun er yuzasining relefida ikkita yirik element ajratiladi, bular materik ko‘tarilmalari va okean cho‘kmalaridir. Okean cho‘kmalarini dunyo okeanining suvlari to‘ldirib okeanlarni hosil qilishi oqibatida materiklar juda keng bir quruqlik tizimlari bo‘lib ajralib qolgan.

Erni umumiy qilib o‘rganuvchi fan geografiya bo‘lib, uning shakli va o‘lchamlarini o‘rganuvchi tarmog‘i geodeziya, deb nomlanadi. Biroq bu fanlar asosan yirik hududlarni o‘rganuvchi fan hisoblanib, joyning to‘la tasvirini yoritib bera olmaydi. Tabiiy geografiyaning joyni kompleks holda o‘rganuvchi tarmog‘i topografiya, deb ataladi.

Topografiya – (yunoncha topos – joy, grapho – yozmoq) joyni tasvirlash degan ma’noni bildiradi. Topografiya er yuzasining geometrik tuzilishi, joyning plani va kartalarini yaratish maqsadida bajariladigan planga olish (s’yomka) usullarini o‘rganuvchi fandir. Topografiyada faqat sayyoramizning quruqlik qismi o‘rganiladi, uning suv qoplagan qismi esa gidrografiyada o‘rganiladi.