Тактиканинг фан сифатида вазифалари

CHorvoq suv ombori.
Gidrotexnik inshootlarga to‘g‘onlar, suv o‘tkazuvchi tunnellar, akveduklar, viaduklar, dyukerlar, shlyuzlar, korizlar, er osti hamda er usti suv quvurlari va h.k.lar kiradi. Ular ko‘p hollarda karta masshtabiga to‘g‘ri kelmaydigan shartli belgilar bilan tasvirlanadi.

Qishloq xo‘jaligi va obodonchilik dalalari

Qishloq xo‘jaligi va obodonchilik dalalariga – mevali yoki mevasiz bog‘lar, tutzorlar, tokzorlar, ekin erlari, shuningdek, alohida tur sifatida sholipoyalar kiradi.

Bog‘lar – bu meva etishtirish, shuningdek, dam olish, aholi punktlariga manzara berish, xo‘jalikda yog‘ochidan foydalanish va qishloq xo‘jaligi erlarini shamol eroziyasidan ihotalash maqsadlarida o‘stirilgan daraxtlardan tarkib topgan sun’iy o‘rmonlardir. Bog‘larning o‘rmonlardan umumiy farqi shundaki, bog‘larda daraxtlarning tartib bilan o‘tkazilganligida, ularning yoshi va o‘lchamlari nisbatan tengligida hamda daraxlarning bir turdan tashkil topganligidadir.

Tutzorlar – bu bargini ipak qurtiga berish uchun o‘stirilgan tut plantatsiyalaridir. Ularning alohida joy turi qilib ajratilishiga sabab, tutzorlarning o‘ziga xos kuzatish va ko‘rinish xususiyatlaridir.

Tokzorlar – bu uzum etishtirish uchun o‘stirilgan va tashqi ko‘rinishi buta bo‘lgan o‘simliklardir. Tokzorlarning bog‘lardan alohida tur sifatida ajratilishiga sabab, yurtimizda toklarning qish faslida ko‘milishi va shuning oqibatida bu erlar taktik xususiyatlarining o‘zgarishidir.

Ekin erlari – bu o‘t o‘simliklardan iborat bo‘lgan erlardir.

SHolipoyalar – guruch etishtirish maqsadida o‘stirilgan sholi dalalari bo‘lib, ularning alohida joy turi qilib ajratilishiga sabab, ekin maydonlarining vegetatsiya davrida doimo suv bilan bostirilishi va shunga ko‘ra o‘ziga xos taktik xususiyatlarning kelib chiqishidir.