Tajibayev G. Sh. Boshlang‘ich sinflarda ingliz tili o‘qitish

O‘quv-metodik topshiriqlar

1. 
   Kichik maktab yoshidagi bugungi davr bolalariga berilgan ta’riflarni umumlashtiring.
   
2. 
   Boshlang‘ich sinf o‘quvchilari ingliz tilini o‘rganishda qanday ustunliklarga ega?
   
3. 
   Ingliz tili o‘qitishda boshlang‘ich sinf o‘quvchilarining qanday xususiyatlari e’tiborga olinishi lozim?
   
4. 
   Kichik maktab yoshidagi o‘quvchilarning bilish jarayonlarini ifodalaydigan tushunchalar talqinini bayon eting.
   
5. 
   «Nutq namunasi asosida сhet til o‘qitish», «Og‘zaki nutqning ilgarilashi»,
   

«Chet tilda tabiiy nutqqa yaqinlashish», «Nutqiy yo‘nalganlik», «Yaxlit o‘rgatish» tamoyillarining umumiy va farqli jihatlarini aniqlashtiring.

Tavsiya etiladigan adabiyotlar

1. 
   Dorney Z. The Psychology of the Language Learner: Individual Differences in Second Language Acquisition. – NJ.: Taylor & Francis e-Library, 2008. – 270 p.
   
2. 
   Lightbown P.S., Spada N. How languages are learned. – L.: Oxford University Press, 2006. – 234 p.
   
3. 
   Ғозиев Э. Умумий психология: Психология мутахассислиги учун дарслик. – Т.: Университет, 2006. – 534 б.
   
4. 
   Williams M., Burden R. L. Psychology for language Teachers. A social constructivist approach. – L.: Cambridge University Press, 2010. – 240 p.
   
5. 
   Wood D. How Children Think and Learn. – Oxford: Blackwell Publishers Limited, 1998. – 230 p.
   

11. Boshlang‘ich sinflarda ingliz tili o‘qitish metodikasining psixologik asoslari

Kalit so‘zlar: ijtimoiy interaktivizm, kognitiv konstruktivizm, Kritik davr gipotezasi, universal grammatika, sintaksis aspektlari, malakalarni o‘rganish modellari, Eng yaqin rivojlanish zonasi

Boshlang‘ich sinflarda ingliz tili o‘qitish metodikasining psixologik asoslari J.Piajening «kognitiv konstruktivizm», L.S.Vigotskiyning «ijtimoiy konstruktivizm», A.N.Xomskiyning «Kritik davr gipotezasi», «Universal grammatika» va «Sintaksis aspektlari» nazariyalari hamda J.Brunerning

«Scaffolding» (Havoza), K.Jonson va V.Litlvudlarning «Malakalarni o‘rganish modellari» bilan chambarchas bog‘liq.
Piaje ham, Vigotskiy ham ingliz tili o‘qitish sohasida emas, balki bolalarda
nutq va tafakkur rivojlanish jarayonlari ustida izlanishlar olib borgan. Lekin Piajening «genetik epistimologiya», ya’ni kognitiv rivojlanish va epistimologik
qarashlari va Vigotskiyning «ijtimoiy konstruktivizm» nazariyalari boshlang‘ich sinflarda ingliz tili o‘qitish metodikasida muhim ahamiyat kasb etadi. Ushbu nazariyalar haqida alohida to‘xtalib o‘tamiz.