Тайёрлаш ва уларнинг малакасини оширишни ташкил этиш бош илмий методик маркази

V. Ижобий маънодаги “Мен-концепцияси”ни шакллантириш: 
- педагогик мулоқотнинг талабаларда ўзига ижобий муносабатни 
ривожлантиришнинг йўналганлиги; 
- ҳаётий фаолиятнинг ижобий йўл-йўриқ ва мотивларини шакллантириш. 
Таълим жараёнини инсонпарварлаштиришнинг моҳиятини кўрсатиб 
бериш инсонпарварлик педагогикасининг ўзига хосликлари, таълим ва 
тарбиянинг инсонпарвар йўналганлигини таъминлашда педагогнинг ролини 
аниқлашни талаб этади. 
Ҳозирги вақтда инсонпарварлик педагогикаси тарбияланувчини ўқув-
тарбия жараёнининг фаол, онгли, тенгҳуқуқли иштирокчиси ролида кўра 
оладиган, ўз имкониятлари асосида ривожлантирилувчи илмий назарий тизим 
сифатида талқин этилади.
Инсонпарварлик педагогикаси шахсга йўналтирилган. Унинг фарқли 
белгиларига қуйидагилар киради: шахснинг психик, жисмоний, интеллектуал, 
ахлоқий ривожланишини биргаликда эгаллаши ва унда аниқ доирадаги кўникма 
ва малакаларни шакллантириш; эркин, мустақил фикрловчи ва ҳаракатланувчи 
шахс, турли хил ўқув ва ҳаётий вазиятларда асосли танлаш қобилиятига эга 
инсонпарвар-фуқарони шакллантиришга бутун кучни тўплаш; ўқув-тарбия 
жараёнини самарали қайта йўналтиришга эришиш учун тегишли шарт-
шароитларни таъминлаш. 

---

55 
Инсонпарварлик педагогикаси тамойилларига қуйидагиларни киритиш 
мумкин: 
Иштирок этиш. 
Демократик жамият фаолият кўрсатиши учун унинг 
барча аъзолари жамият ҳаётида фаол иштирок этишлари зарур. Уларнинг овоз 
бериш ҳуқуқларидан фойдаланишлари - биринчи даражали муҳим эканлигини 
билдиради ва демократик жамият ҳаётида иштирок этаётганлари янада юқори 
даражада намоён этади. 
Ҳамкорлик. 
Демократик жамиятда ҳамкорлик қиладиган аъзолар 
ўртасида ўзаро мувозанат бўлмоғи лозим. Бу ижтимоий гуруҳларнинг ҳар 
томонлама ҳаракатланишига имкон берувчи ва шу билан бирга жамиятнинг 
барча аъзоларини улардаги имкониятларни тўлиқ намоён этишига имкон 
берадиган 
тузилмани 
таъминлайдиган 
мувозанат 
бўлиши 
мумкин. 
Ҳамкорликни рағбатлантириш учун ўқитувчи талабалар билан биргаликда 
ишлаш учун шароит яратиши, ижтимоий билимларга доир махсус 
маърузаларни ташкил этиши, талабаларни ролли ўйинлар, психологик 
тренингларга жалб этиши мумкин.