Tafakkur buzilishlari

Semantik afaziya

• Semantik afaziya. chakka-tepa va ensa sohalari tutashgan joylar, ya‘ni 37 va qisman 39-maydonlar zararlanganda kuzatiladi. Bu soha TRO (ya‘ni temporoparieto-oksipital) sohasi deb ham yuritiladi. TRO po’stloqning uchlamchi sohasi hisoblanib, «orqa assotsiativ kompleksni» tashkil qiladi. Semantik afaziyaning asosiy belgisi so’zlarning bir-biriga bog’lanishining, ya‘ni konstruksiyasining buzilishidir. Bunda artikulyator va akustik buzilishlar kuzatilmaydi. K. Goldshteyn afaziyaning bu turini tafakkur etishmovchiligi deb atagan. Odatda, ekspressiv nutq saqlanib qoladi, bemor so’zlashi va oddiy gaplarni tushunishi mumkin. Semantik afaziyada bemor tarkibida «ustida», «tagida», «yuqorida», «pastda», «oldida», «yonida», «dan» kabi so’z va qo’shimchalari bo’lgan jumlalarni o’qib tushunmaydi.