Tafakkur buzilishlari

Ko’ruv agnoziyalari

Narsalar agnoziyasi
Bet (yuz)agnoziyasi
Harf agnoziyasi
Ranglar agnoziyasi
Optik-fazoviy agnoziyasi
Simultan agnoziyasi

Narsalar agnoziyasi

• Narsalar agnoziyasi agnoziyaning keng tarqalgan turidir. Bunda bemor ob‘ektni go’yoki ko’radi, hatto uning ba‘zi belgilarini aytib ham beradi, lekin nomini ayta olmaydi. Masalan, bemorga qalam ko’rsatilsa, u yozish va chizish uchun ishlatilishini biladi, biroq «Bu qalam» deb ayta olmaydi, chunki tanimaydi. Agar narsalar bir-biriga qalashtirib tashlansa, ularning nomini aytish yanada qiyinlashadi. Masalan, qaychi, pichoq, bolg’acha, qoshiqlar (yoki ularning tasviri) ni bir-biriga qalashtirib tashlab, ularni birin-ketin topish so’ralsa, bemor bu ishni bajara olmaydi. U faqat turli tomonga ketgan chiziqlarni ko’radi, xolos. Bu usulni Poppelreyter 1917 yili taklif qilgan. Shunisi e‘tiborliki, bemor narsalarga qarab ularni chizib beradi, lekin o’sha o’zi chizgan narsalarning nomini ham aytib bera olmaydi, ya‘ni tanimaydi.