Тадбиркорлик ҳуқуқи (махсус қисм)

Макроиқтисодиёт ва статистика вазирлиги қошидаги Êорхоналарнинг иқтисодий ночорлиги ишлари бўйича қўмита ¥óкумат комиссиясининг банкротлик ва санация масалари бўйича ишчи органларига хизмат қилади. Қўмита фаолиятининг асосий вазифалари ва йўналишларидан бири-шартнома асосида хўжалик юритувчи субъектларга банкротлик хавфини олдини олиш чора-тадбирларини ишлаб чиқиш ва амалга оширишда ёрдам беришдир. Қўмита ва унинг ҳудудий бошқармаларè банкротликниíã олдини олиш мақсадида корхоналарга шартнома асосида ёрдам кўрсатадилар ва шу билан бирга молиявий-иқтисодий ва хўжалик-ҳуқуқий масалалар, шунингдек, ташқи иқтисодий фаолият бўйича маслаҳат бериш йўли билан ёрдам беради. Ушбу фаолиятдан қўмита ҳудудий бошқармалари ҳисоб рақамига тушган маблағларнинг 60%и бюджет учун мажбурий чигирмалар ва тўловларни чиқариб ташлагандан сўнг, қўшимча меъёрий ҳужжатлар, услубий қўлланмалар тайёрлаш, конференциялар ўтказиш, маслаҳатчиларни жалб этиш, ахборот-маълумот адабиётларини ишлаб чиқиш ва тарқатиш ва бошқа мақсадларда фойдаланиш учун берилади.
Ташқи ишлар вазирлиги қошидаги ахборот агентлиги Ўзбекистонда амалга оширилаётган ижтимоий-иқтисодий ислоҳотларнинг бориши тўғрисидаги объектив ахборотни чет элда ташқариш мақсадида ташкил этилган.
Ахборот агентлигининг асосий вазифалари бўлиб, Республика потенциал имкониятларини кенг халқаро ҳамкорлик очиб берувчи маълумот характеридаги ахборотномалар, маълумотномалар, каталоглар, буклетлар, газеталар, журналлар, бошқа матбаа, компъютер, фото ва аудиовизуал маҳсулотларни нашр этиш ва чет элга тарқатиш; хорижий давлатлар иқтисодий сиёсий-ҳуқуқий бошқа шартлари, жаҳон бозори конюктураси Ўзбекистон билан ҳамкорлик қилишдан манфаатдор бўлган халқаро ташкилотлар, кўзга кўринган хорижий компания ва фирмалар тўғрисидаги ахборотни тўплаш ва бутун Республикада тарқатиш.
Юқоридаги вазифаларни таъминлаш учун агентлик Ўзбекистон Республикаси қонунчилигига мувофиқ:
-Ўзбекистонда ва хорижда барча турдаги ва савиядаги ахборотларни тўплаш, қайта ишлаш, таҳлил этиш, ишлаб чиқиш ва тарқатишни амал оширади;
-ахборотни тарқатиш мақсадида частота ва тасвирларни, товушни ва маълумотни узатувчи бошқа каналлардан фойдаланади;
-Республикада ва хорижда ўзининг ахборот хабарларини, бошқа матбаа компъютер, фото ва аудиовизуал ва бошқа маҳсулотларни нашр этади ва тарқатади;
-шартнома асосида хорижий ва миллий газеталар, журналлар, радио, телевидиния, ахборот агентликлари ва бошқа ахборот воситаларига, ҳукумат ва ноҳукумат муассасаларига, жамоат бирлашмалари ва хусусий шахсларга ахборотни тақдим этади.