Тадбиркорлик ҳуқуқи (махсус қисм)

Ўзбекистон Республикасининг Давлат Солиқ қўмитаси. Назаримизда ҳеч қайси давлат органи Давлат Солиқ қўмитаси ва унинг ҳудудий органлари (бошқарма ва инспекциялари) сингари тадбиркорлар билан, шунингдек ахборот каналлари билан узвий боғлиқ эмас.
Ўзбекистон Республикасининг 1997 йил 29 августдаги «Давлат солиқ хизмати тўғрисида»ги Қонунининг 4-моддасига мувофиқ, Давлат солиқ хизмати органларининг асосий вазифалари жумласига, хусусан, солиқ қонунчилигига риоя қилишнинг зарурий шартларини таъминлаш, солиқ тўловчиларга солиқ мажбуриятларини бажаришда ёрдам бериш киради. Шунга мувофиқ, давлат солиқ хизмати органлари солиқ қонунчилигини қўллаш бўйича кўрсатмалар, услубий кўрсатмалар ва қўлланмалар; солиқ тўловчиларни солиқ қонунчилигидаги меърий ҳужжатлар билан ўз вақтида танишишларини таъминлашлари шарт (6-модда).
Қоидага кўра, амалиётда бу ҳолат солиқ тўлашнинг ҳаракатдаги тартибида ўзгартиришлар киритиш, солиқнинг янги ставкалари, солиқ имтиёзлари бўйича тушунтиришлар тўғрисидаги солиқ инспекциясида тадбиркорлар билан ўтказиладиган доимий семинар-кенгашларда амалга оширилади ва Вазирлар Маҳкамасининг давлат бюджети мезонлари аиосидаги ҳар йиллик қарорида ифодаланади. Бундай мажлисларга тегишли туманнинг барча тадбиркорлари таклиф этиладиган ва уларнинг саволларига бевосита ижрочилар-солиқ инспекторлари жавоб беришади.
Бошқа, айтарли тез ва кенг тарқалган усул, бу-тадбиркорларга солиқ қонунчилиги ҳақидаги ахборотларни тушунтириш ва етказиш бўлиб, бу амалиётда кенг тарқалган солиқ қўмитасининг матбуот органлари «Солиқ ва божхона хабарлари»да қонунлар ва қонуности ҳужжатларини, мутахассисларнинг шарҳлари ва жавобларини нашр этиш орқали амалга оширилади.
Шунингдек, солиқ қонунчилигига риоя қилишнинг зарурий шартларини таъминлашда солиқ тўловчиларга солиқ мажбуриятларини бажаришга ёрдам бериш мақсадида Давлат Солиқ қўмитаси маслаҳат хизмати кўрсатиш учун солиқ тўловчиларни солиқларни тўғри ва ўз вақтида ҳисоблаш қоидаларига, ҳисоботларни ва декларацияларни топширишга ўргатиш учун сервис-маркази ташкил этади; Солиқ қонунчилигини кўллаш масалалари бўйича меърий ҳужжатларни солиқ тўловчиларга ўз вақтида етказиш ишларини ташкил этади.