Тадбиркорлик фаолиятининг давлат томонидан тартибга солиниши тушунчаси ва моҳияти

Солиқ текширувини ўтказишда ғайриқонуний ҳаракатлар орқали зарар етказилишига йўл қўймаслик
Солиқ текширувини ўтказишда тадбиркорлик субектига ёхуд унинг эгалигида, фойдаланишида ёки тасарруфида бўлган мол-мулкка ғайриқонуний ҳаракатлар орқали зарар етказилишига йўл қўйилмайди.
Солиқ текширувини ўтказишда давлат солиқ хизмати органлари ёки уларнинг мансабдор шахсларининг ғайриқонуний ҳаракатлари орқали етказилган зарарлар, шу жумладан бой берилган фойданинг ўрни давлат солиқ хизмати органлари томонидан тўлиқ ҳажмда қопланиши керак. Суд қарорига биноан зарарлар ўрнини қоплаш давлат солиқ хизмати органларининг қайси мансабдор шахсларининг айби билан зарар етказилган бўлса, ўша мансабдор шахслар зиммасига юкланиши мумкин.
Давлат солиқ хизмати органлари ва уларнинг мансабдор шахслари ғайриқонуний ҳаракатлар содир этганлиги натижасида тадбиркорлик субектига етказилган зарар учун қонунда назарда тутилган тартибда жавобгарликка тортилади.
Давлат солиқ хизмати органлари мансабдор шахсларининг қонуний ҳаракатлари орқали тадбиркорлик субектига етказилган зарарлар ўрни қопланмайди, қонунда назарда тутилган ҳоллар бундан мустасно.