Tabiiy resurslar / Suv va suvdan foydalanish]

XV bob. SUV OBYEKTLARIDAN BALIQChILIK XO‘JALIGI EHTIYOJLARI UChUN FOYDALANISh
60-modda. Baliqchilik xo‘jaligi manfaatlarini ko‘zlab baliqchilik xo‘jaligi havzalari suvidan foydalanishni cheklash
Baliqlarning qimmatli turlarini hamda suv bilan bog‘liq ovchilik obyektlarini saqlab qolish va urchitib ko‘paytirish uchun alohida muhim ahamiyatga ega bo‘lgan baliqchilik xo‘jaligi havzalarida yoki shu havzalarning ayrim uchastkalarida suvdan foydalanuvchilarning huquqlari baliqchilik xo‘jaligi manfaatlarini ko‘zlab cheklab qo‘yilishi mumkin.
Oldingi tahrirga qarang.
Bunday havzalarning yoki shu havzalardagi uchastkalarning ro‘yxatini hamda suvdan foydalanishni cheklash turlarini ekologiya va atrof-muhitni muhofaza qilish va suv xo‘jaligi organlari belgilab beradi hamda O‘zbekiston Respublikasi Vazirlar Mahkamasi tasdiqlaydi.
(60-moddaning ikkinchi qismi O‘zbekiston Respublikasining 2021-yil 30-noyabrdagi O‘RQ-733-sonli Qonuni tahririda — Qonunchilik ma’lumotlari milliy bazasi, 01.12.2021-y., 03/21/733/1112-son — 2022-yil 2-martdan kuchga kiradi)
61-modda. Baliq zaxiralarini muhofaza qilish va baliqlarni urchitib ko‘paytirish tadbirlari
Baliqchilik xo‘jaligi havzalaridagi gidrotexnika inshootlari va boshqa inshootlarni ishlatishda baliq zaxiralarini muhofaza qilish va baliqlarni urchitib ko‘paytirish shart-sharoitlarini ta’minlash tadbirlari o‘z vaqtida amalga oshirilishi lozim.
Baliqchilik xo‘jaligiga qarashli suv havzalaridagi baliqlar urug‘ tashlaydigan joylarga va ularning qishlov uyalari joylashgan yerlarga tuproq to‘kish, baliq zaxiralari holatiga hamda ularning urchib ko‘payish sharoitlariga salbiy ta’sir etuvchi boshqa ishlarni bajarish man qilinadi.
Oldingi tahrirga qarang.
Sanoat maqsadlari, sug‘orish va boshqa ehtiyojlar uchun baliqchilik xo‘jaligi suv havzalaridan suv olishga ekologiya va atrof-muhitni muhofaza qilish organlari bilan kelishib, suv chiqarish inshootlariga baliq tushib qolmasligini ta’minlaydigan maxsus moslamalar o‘rnatilgan taqdirdagina yo‘l qo‘yilishi mumkin.
(61-moddaning uchinchi qismi O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
Oldingi tahrirga qarang.