Tabiiy resurslar / Suv va suvdan foydalanish]

XXVI bob. SUVDAN FOYDALANIShNI DAVLAT YO‘LI BILAN HISOBGA OLISh VA REJALAShTIRISh
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.03.00 Er osti va yer usti suvlarining davlat hisobi. Davlat suv kadastri. Suv obyektlari monitoringi]
107-modda. Suvni va undan foydalanishni davlat yo‘li bilan hisobga olish vazifalari
Oldingi tahrirga qarang.
Suvni va undan foydalanishni davlat yo‘li bilan hisobga olishning vazifasi yagona suv fondini tashkil etuvchi suvlarning miqdorini va sifatini, aholi va iqtisodiyot tarmoqlarining ehtiyojlari uchun suvdan foydalanish to‘g‘risidagi ma’lumotlarni belgilashdan iboratdir.
(107-moddaning matni O‘zbekiston Respublikasining 2009-yil 25-dekabrdagi O‘RQ-240-sonli Qonuni tahririda — O‘R QHT, 2009-y., 52-son, 555-modda)
108-modda. Suvdan foydalanish va uni muhofaza etishni rejalashtirish
Suvdan foydalanishni rejalashtirish birinchi navbatda aholining ichimlik suvga bo‘lgan va maishiy ehtiyojlarini qondirishni, suvning suvdan foydalanuvchilar o‘rtasida ilmiy asosda taqsimlanishini, suvni muhofaza qilishni va suv yetkazadigan zararli ta’sirning oldini olishni ta’minlashi lozim.
Suvdan foydalanishni rejalashtirish chog‘ida davlat suv kadastridagi ma’lumotlar, suv xo‘jaligi balanslari, suvdan kompleks foydalanish va suvni muhofaza qilish jadvallari hisobga olinadi.
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.03.00 Er osti va yer usti suvlarining davlat hisobi. Davlat suv kadastri. Suv obyektlari monitoringi]
109-modda. Davlat suv kadastri
Davlat suv kadastri suvni miqdor va sifat ko‘rsatkichlarini hisobga olish, suvdan foydalanishni qayd qilish va hisobga olish ma’lumotlarini o‘z ichiga oladi.
[OKOZ:
1.11.00.00.00 Atrof tabiiy muhit va tabiiy resurslar / 11.05.00.00 Suvdan foydalanish va muhofaza qilish / 11.05.04.00 Suv xo‘jaligi balanslari. Suvdan foydalanish uchun limitlar]