Табиий шифо воситалари 3-китоб тошкент

Нафас қисишидан халос бўламан десангиз, 100 граммдан исириқ ва 
зиғирни ярим кило асалга аралаштириб, ундан бир чой қошиқдан кунига 3 
маҳалдан истеъмол қилиб туринг. 
Шотут майизини асал билан ейилса, ич кетишига даво бўлади. 
Бодом мағзини янчиб, асалга аралаштириб, мунтазам истеъмол қилиб 
туриш асабнинг давоси, мияни қувватлантирувчи, ақлни зиёдалаштириб, 
фикрни тиниқлаштирувчи воситадир. 
Кунига 7-8 грамм ялпиз уруғини қайнатиб, асал билан ичган одам 
ичакларидаги бегона моддалардан халос бўлади.

---

Аюпов Равшан Хамдамович 55 
Асални мунтазам тановул қилиб турадиган ёш болаларда ақлий ва 
жисмоний ўсиш юқори бўлиб, уларда ижодкорлик қобилияти яққолроқ 
намоён бўлади.
Юрагида сурункали ишемик касаллиги бор беморлар бир-икки ой 
давомида ҳар куни 50 граммдан (овқатдан олдин 3 маҳал бир ош қошиқдан) 
асал истеъмол қилиб боришлари натижасида холестерин миқдори 14-16% 
гача камайиши мумкин экан. 
Ошқозон яраси ва 12-бармоқли ичак касаллигида асални нонушта ва 
тушликдан 1,5-2 соат илгари, кечки овқатдан эса 3 соат олдин 30-60 
граммдан қабул қилиш тавсия этилади. Бунда асални 30-40 даражали сувга 
солиб эритилади ва дарҳол ичилади. Даволаш муддати 1,5-2 ой бўлиши 
мумкин. 
Оғиз бўшлиғи касалликларида прополиснинг спирт билан аралашмасидан 
фойдаланилади. Бундай аралашма қуйидагича тайёрланади: 10 грамм 
майдаланган прополисга 100 мг спирт қўшиб, 3 суткага қоронғи жойга 
қўйиб, вақти-вақти билан чайқатилиб турилади. Учинчи куни бутилкадаги 
аралашмага 100 грамм сув қуйиб, докада сузиб олинади. Оғизни чайқаш 
учун ярим стакан илиқ сувга 5-10 грамм прополис аралашмаси қўшилади. 
Болалар оғизни чайқашни эплай олмаса, аралашмани уларнинг оғзига 
суртиш ҳам мумкин. Натижа эса дарҳол сезилади.