Табиий шифо воситалари 3-китоб тошкент

Смородинанинг дориворлик хусусиятлари ва таъсири: 
Халқ табобатида қорағат ёки смородина меваларини қайнатиб, 
терлатадиган, сийдик ҳайдайдиган ва ич суришини тўхтатадиган дори 
тариқасида ичиш тавсия этилади. Янги меваларидан олинган шарбатни меъда 
ва ўн икки бармоқли ичак яраси касаллигида, гипоацид гастритлар ва спастик 
колитларда буюрилади. Юқори нафас органлари касалликлари (томоқ 
касаллиги, кўкйўтал ва бошқалар) да эса смородинани асалга аралаштириб 
берилади. Қандли диабет, ревматизм, цистит, буйрак-тош касаллиги, 
шамоллаш касалликларида, шунингдек, сийдик ҳайдовчи восита тариқасида 
смородина баргларини дамлаб, чой ўрнида ичиш тавсия этилади. Смородина 
куртаклари билан меваларини мусалласга солиб, дамлаб ичилса, сурги 
бўлади. Қорағатга шакар сепиб ейилса, одамнинг кўнгли очилиб, руҳи 
тетиклашади. Жигар касалликлари, бавосил, аёллар касалликлари ва буқоқда 
смородина гулларидан тайёрланган қайнатма ҳам буюрилади. Замонавий 
табобатда қорағат барглари ва меваларининг яллиғланишга қарши, 
терлатадиган, сийдик ҳайдайдиган, ич суришини тўхтатадиган (ошловчи 
моддалар борлиги туфайли) таъсир кўрсатиши, шунингдек, пектинлари 
шилимшиқ моддалар ҳосил қолиб, сурги ўрнини босиши аниқланган. 
Смородина баргларидан тайёрланган дамлама организмдаги ортиқча урат ва 
оксалат кислоталар чиқиб кетишига ёрдам беради деб ҳисобланади. Қорағат 
юрак-томирлар тизими, меъда ичак йўли ишини жонлантириб, организмнинг 
ҳимоя кучларини оширади, капиллярлар ўтказувчанлигини камайтириб, 
марказий 
асаб 
тизимидаги 
қўзғалиш 
жараёнларини 
сусайтиради.

---

Аюпов Равшан Хамдамович 151 
Смородинанинг барглари ва мевалари чой қилиб дамлаб ичиладиган турли 
йиғмалар таркибига киради. Қорағатни турли инфекцион касалликлар 
вақтида, меъда яра касаллигидан соғайиб келаётган кишиларга, гипоацид 
гастритлар ва гипертония касаллигида кўп буюрилади (меваларни 100 
граммдан ҳўллигича ейиш тавсия этилади).