Табиатдан фойдаланишнинг геоэкологик

Ekologik 

muammolarni 

tasniflash.

  YUqorida  ta`kidlangandek  ekologik 

muammolar odatda biror tabiiy resurs yoki geotizim bilan bog’liq bo`ladi. Bir, ba`zan ikki 

yoki uch turdagi resurslar bilan  bog’liq bo`lgan ekologik  muammolar  ham tarkib topadi. 

O`zbekistonda  quyidagi  ustuvor  ekologik  muammolarni  mavjudligi  barchaga 

ma`lum: 

1) suv, ayniqsa ichimlik  suvining  tanqis bo`lib borayotganligi; 

              2) atmosfera havosi, unga chiqarilayotgan  zararli  va zaharli  chiqindilar;   

3) er, tuproq unumdorligining  pasayib borishi muammolari; 

              4) o`simlik,  tabiiy  nabotot olamining  yo`qolib borishi;  

5) hayvonot olami,  yildan-yilga  ayrim  turlarning  yo`qolishi; 

---

 

36 

6) ma`dan, foydali qazilmalardan  tejamkorlik  bilan  foydalanmaslik; 

7) aholi sog’lig’i va unga etkazilayotgan bitmas-tuganmas ekologik muammolar kabi 

noxushliklardir. 

Ekologik muammolar ma`lum ma`noda tabiatni muhofaza qilish muammolariga juda 

yaqin turadi. SHuni hisobga olib, ularni bir muammo tarkibida tadqiqot qilish maqsadga 

muvofiq.  

Hududiy  ekologik  muammolar  ularning  miqyosiga  qarab  turli  kattalikdagi 

maydonlarni egallaydi. Ularning barchasi ham ustuvorligi bilan ajralib turadi, lekin Orol 

va  Orolbo`yi  muammosi  eng  ustuvor  va  oliy  darajali  amaliy  ahamiyati  bilan  jahonga 

ma`lum. 

O`zbekistonda,  shuningdek  butun  O`rta  Osiyo  va  Qozog’istonning  tekislik  qismi 

uchun  suv  muammosi  eng  ustuvorligi  bilan  tavsiflanadi.  Suv  taqchilligi  ko`plab  xalq 

xo`jaligining  sohalarini  rivojlantirishni  cheklaydi,  boz  ustiga  mavjud  suv  resurslarini 

ifloslanib  borayotganligi  muammoni  yanada  keskinlashishiga  va  tanglikni  kuchayishiga 

ta`sir etmoqda.