Tabiat bilan tanishtirish va ekologik tarbiya fanidan O`qitish materiallari tayyyorlov yo`nalishi

Katta va tayyorlov guruhlar. Maktabgacha katta yoshdagi bolalarda faqat mehnatni tushunish ko‘nikmasigina emas, balki mehnat topshirig‘ini, uning natijasini ko'rsatishni, topshiriqlarning ketma-ketligini, kerakli anjomlarni tanlashni, mustaqil mehnat qila bilishni (tarbiyachining bir oz yordamida) ham tarkib toptirish lozim.


4 - savol. Bolalarni kattalar mehnatini bilan tanishtirish.

KICHIK GURUH
Kattalar mehnati. Bolalar maktabgacha ta’lim muassasasi xodimlari (enaga, oshpaz, qorovul, hamshira va h.k.)ning mehnati haqidagi tasavvurlarini boyitish. Ularning mehnat jarayonlari (enaga xonani tozalaydi, idish-tovoqlarni, derazalarni yuvadi, sochiqlarni almashtiradi, ovqat keltiradi, bolalarning kiyinishlariga yordam beradi va h.k) bilan tanishtirish. Bolalarda kattalarning mehnati natijalarini hurmat qilishga va e’zozlashga o’rgatish.





O’RTA GURUH
Kattalar mehnati. Bolalarda kattalar mehnatiga hurmat va qiziqish hissini tarbiyalash. O’zbek xalqining milliy hunarmandchilik mehnati- duradgorlik bilan tanishtirish.
Dehqon mehnati haqida qisqacha ma’lumot berish.
Bolalarda o’z tarbiyachisi va boshqalar mehnati haqidagi tushunchalarini kengaytirish.



KATTA GURUH
Kattalar mehnati. Bolalarning kattalar mehnati haqidagi tasavvurlarini umumlashtirish. Kishilar mehnatiga hurmat hissini tarbiyalash.Ishlab chiqarish korxonalari, qurilishlar, dalalarda qilinadigan mehnat haqidagi bilimlarini takomillashtirish. Mehnatning shu joyda tarqalgan turlari bilan bolalarni yaqindan tanishtirish. Ularni yaqin atrofdagi korxonaga olib borish(mebel, avtomobil, televizor, chinni ishlab chiqaruvchi korxona, novvoyxona va h.k.). bu korxonaning nomi, u erda kimlar ishlashi, qanday maxsulot ishlab chiqarish.