Т р. Мавзулар Соат

Эльдор қарағайи (Pinus eldarica). Учламчи даврдан қолган реликт дарахт. Тез ўсади, 10 ёшли дарахтларнинг бўйи 5-6 м га етади.
Шарқ саври (Platycladus orientalis). Хитой ва Кореяда табиий равишда ўсади. Ўрта мўътадил иқлимни хуш кўради. Айни пайтда бутун дунё бўйлаб маданий ҳолда кенг тарқалган. Бўйи 8‒10 м, қулай шароитда 18 м гача етадиган, манзарали боғдорчиликда кенг тарқалган дарахт ёки бута.
Ғарб туяси (Thuja occidentalis). Табиий ҳолда Шимолий Американинг шарқий районларида ўсади. Республикада кўкаламзоштириш мақсадида кенг қўлланилади.
Метасеквойя (Metasequoia glyptostroboides). Марказий Хитойда ўсади. Юксак манзарали, бўйи 35 м, танасининг диаметри 2 м га етадиган улкан дарахт.
Таксодий, ботқоқ сарвиси (Taxodium distichum). Табиий ҳолда Шимолий Американинг жануби­шарқида, сокин оқувчи дарё қирғоқлари ва ботқоқликларда ўсади. Нинабарглари тўкиладиган, бўйи 30‒36 м га етадиган дарахт.
Мевадор зарнаб (Taxus baccata). Табиий ҳолда Европанинг иссиқ ҳудудларида ўсади. Секин ривожланадиган ва жуда узоқ яшайдиган ўсимлик. Табиий ареалида 4000 йилгача яшайди. Жуда манзарали.


ЯПРОҚЛИ ДАРАХТЛАР
Оддий эман (Quercus robur). Шимолий ярим шарда кенг тарқалган. Юксак манзарали, муҳитнинг нохуш омилларига бардошли, узоқ умр кўрадиган дарахт.
Каштанбаргли эман (Quercus castaneifolia). Табиий ҳолда Озарбайжон ва Эроннинг шимолида тарқалган. Бўйи 25‒40 м га, танаси тик, диаметри 160 см га етадиган, жуда манзарали дарахт.
Ленкоран альбицияси (Albizia julibrissin). Табиий ареали анча кенг – олд, шарқий ва жануби-шарқий Осиёда тарқалган. Баландлиги 6‒9 (16 м гача), шох-шаббасининг эни 6­7 м га етади, сийрак, соябон кўринишдаги дарахт.
Канада багрянниги (Cercis canadensis). Табиий ҳолда бутун Шимолий Америкада тарқалган. Бўйи 5‒10 (18) м га етадиган кичик дарахт, шох-шаббаси доира, оч-яшил рангдаги барглари силлиқ, ялтироқ ва овал шаклида.
Ажойиб катальпа (Catalpa speciosa) ва бигнониясимон катальпа (Catalpa bignonioides) – тез ўсувчи йирик дарахт, бўйи 25‒30 м га етади. Шох-шаббаси ёйилиб ўсади, барглари жуда йирик оч-яшил рангда.