T azimov, U. E. Raxmatov organik olamning rivojlanishi va antropologiya (ii-qism)

Olingan dalillarga ko’ra hamma irqlarning umumiy ajdodi bundan 90-92 ming yil muqaddam mavjud bo’lgan.

Ana shu davrdan boshlab katta mongoloid va yevropoid - negroid irqlar (avstraloidlar shularga kiradi) ajralgan. Negroid va yevropoid irqlarining ajralishi taxminan 40ming yil avval ro’y bergan. Uzoq vaqt ular bir joyda yashashgan. Voronej atrofidan topilgan kramonon odamining kalla suyagini avstroloidlar kalla suyagiga yaqinligi bundan guvohlik beradi. Avstroloidlarning qit’aga yaqin Avstraliyaga ko’chishi Hindiston, Shri-Lanka, Indoneziya, Hind okeani orollari orqali bo’lgan. Bu yerlarda Vedz, vedondlarning yashashi bundan dalolat beradi. Mongoloid irqining shakllanishi ham uzoq muddat davomida ro’y bergan. Hali to’liq irq belgilari shakllanmagan monogoloid irq vakillari taxminan 40 -70 ming yillar muqaddam Osiyodan Shimoliy - Janubiy Amerikaga ko’chganlar va Amerika irqining paydo bo’lishi uchun asos solganlar.

Uzoq vaqtlardan beri odamzod irqlari bir markazdanmi yoki har xil markazdan tarqalagan degan masala to’g’risida munozara ketadi. Irqlarning kelib chiqishida Politsentrik kontsepsiyani 1939 yili F. Veydenrex ilgari surgan. Uning konsepsiyasiga binoan yevropoidlar Palestin neandertallaridan, Janubiy G’arbiy Osiyodagi sinantroplardan monogoloid va amerikanoidlar, Janubiy - Sharqiy Osiyo va Indoneziyadagi pitekantroplardan avstroloid - negroidlar Afrikaning janubidan qazilma holdagi odamlardan kelib chiqqan. Keyingi vaqtda odamning ikki markazdan kelib chiqqanligi haqida biosentrik nazariya paydo bo’ldi. Unga ko’ra irqlar Afrika va Yevropada paydo bo’lgan.