|
II. Ҳисоб-китоб тартиби
2.1. Мазкур шартнома баҳоси ________ (_____________________________) сўмни ташкил этади ҳамда тўловлар мазкур шартноманинг 3- ва 4-иловаларига мувофиқ тўлаб борилади.
2.2. “Истеъмолчи” томонидан ҳар ой учун кўрсатилган сув хўжалиги хизматларига ҳисобланган тўловларнинг 30 фоизи ой бошида, 70 фоизи ой охирида “ИТҲБ”га тўлаб берилади.
2.3. Кўрсатилган хизматлар учун тарафлар ўртасида ойма-ой солиштирма далолатнома тузиб борилади.
III. Тарафларнинг ҳуқуқ ва мажбуриятлари
3.1. “ИТҲБ”нинг ҳуқуқлари:
а) мазкур шартномага асосан кўрсатилган сув хўжалиги хизматлари учун тўловлар
ўз вақтида тўланишини талаб қилиш;
б) “Истеъмолчи” билан тузилган қўшимча келишувга асосан сув олиш лимитларига ўзгартириш киритиш (манбаларнинг сувлилиги камайган ҳоллар бундан мустасно);
в) манбаларда сувнинг ҳажми камайган ёки кўпайган ҳолатларда сув олиш лимитларига, сувдан фойдаланиш ёки сув истеъмол қилиш режаси параметрлари ўзгартирилмасдан, дарҳол тузатишлар киритиш;
г) зарурат туғилганда, “Истеъмолчи” томонидан олинаётган сувнинг миқдорини текшириш;
д) “Истеъмолчи” томонидан ўзбошимчалик билан сув очилса ёки рухсат этилмаган жойдан сув олинса, олинган сувдан бошқа мақсадларда фойдаланилса ҳамда лимитдан ортиқча сув олинган тақдирда рухсатсиз олинган сув ҳажми тўғрисида чора кўриш учун Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг ҳудудий органларига маълумот киритиш;
е) суғориш тармоқларига, улардаги иншоотларга зарар етказилса, етказилган зарарни қоплатиш чораларини кўриш ва етказилган зарарлар қопланмаган тақдирда “Истеъмолчи”га ёзма равишда огоҳлантириш берилиб, сув беришни вақтинчалик тўхтатиб қўйиш;
ж) “Истеъмолчи” томонидан кўрсатилган сув хўжалиги хизматлари учун тўловлар ўз вақтида амалга оширилмаган ҳолларда, (бир маротаба ёзма равишда огоҳлантиришдан сўнг) сувни етказиб бериш ва бошқа турдаги хизматларни кўрсатишни вақтинчалик тўхтатиб қўйиш;
з) манбада сув камайган тақдирда, “Истеъмолчи”нинг таклифларини инобатга олган ҳолда, сувдан навбатлаб фойдаланиш ва сувни иқтисод қилишнинг бошқа чора-тадбирларини амалга ошириш;
и) “Истеъмолчи”га берилган сув ресурсларидан, тасарруфидаги суғориш тармоғидан самарали фойдаланиш, сув тежовчи технологияларни жорий этиш бўйича таклифлар бериш.
“ИТҲБ”қонунчилик ҳужжатларида ва ушбу шартномага мувофиқ бошқа ҳуқуқларга
ҳам эга бўлиши мумкин.
3.2. “ИТҲБ”нинг мажбуриятлари:
а) ҳисобот даври бошланишидан камида 10 кун олдин, яъни суғориш даври учун сув истеъмоли режасини календарь йилнинг 20 февралигача, кузги-қишки мавсум учун календарь йилнинг 20 августигача, кўрсатилган сув хўжалиги хизматлари учун тўловлар тўғрисидаги маълумотларни ҳар ойнинг 5 санасигача ҳамда йиллик тўловлар тўғрисидаги маълумотларни календарь йилнинг 20 декабригача “Истеъмолчи”га тақдим этиш;
б) “Истеъмолчи”га мазкур шартноманинг 1- ва 2-иловаларида тасдиқланган сув истеъмоли режасига асосан ажратилган сув олиш лимитларини белгилаш ҳамда ушбу ажратилган лимит бўйича ўз вақтида сув етказиб беришни таъминлаш;
в) лимит буйича “Истеъмолчи”га сувни рўйхатга олинган ва иловаларда кўрсатилган манбалардан етказиб бериш;
г) “Истеъмолчи”нинг талаб ва таклифларини инобатга олган ҳолда, ойлик сув олиш графигини ишлаб чиқиш;
д) мазкур шартномага ёки сувга бўлган эҳтиёждан 10 кун олдин берилган ёзма талабномага асосан “Истеъмолчи”га ажратилган лимит доирасида сувни етказиб бериш;
е) манбада сув камайган ёки кўпайган ҳолларда, фавқулодда шарт-шароитларда ҳамда ирригация тизимлари ҳавза бошқармаси томонидан сув лимитларига ўзгартиришлар киритилганда, бу ҳақида “Истеъмолчи”ни зудлик билан ёзма равишда хабардор қилиш;
ж) “Истеъмолчи”га берилган сувнинг ҳисобини юритиш ҳамда сувнинг берилган
ва тўхтатилган вақтини, миқдорини “Истеъмолчи”нинг вакили иштирокида қайд этиб бориш;
з) “Истеъмолчи”нинг талабига кўра, кўрсатилган хизматлар ва амалга оширилган тўловлар тўғрисидаги маълумотларни тақдим қилиш;
и) “Истеъмолчи”нинг ҳудуди чегарасидаги сув олиш жойларида сув ўлчаш воситаларининг (гидропостлар) ўрнатилишини ҳамда сувнинг ҳисоб-китоби тўғрилигини таъминлаш. Бунда, сув ўлчаш воситаларининг тўғрилигига шубҳа бўлган тақдирда, навбатдан ташқари қўшимча ўлчов ўтказиш;
к) ҳар куни соат 7:00 ва 19:00 да “Истемолчи”нинг ваколатли шахси билан сув бериладиган жойларда сувнинг ҳисобини юритади ҳамда ҳар ой якуни билан ўзаро далолатнома расмийлаштириб бориш.
“ИТҲБ” қонунчилик ҳужжатларига ва ушбу шартномага мувофиқ бошқа мажбуриятларни ҳам бажаради.
3.3. “Истеъмолчи”нинг ҳуқуқлари:
а) мазкур шартномада кўрсатилган сувдан фойдаланиш лимити ва берилган талабнома асосида “ИТҲБ” дан сув етказиб берилишни талаб қилиш;
б) етказиб берилаётган сувнинг миқдорини ва сифатини текшириш;
в) экин майдонлари, суғориш тармоқлари сув олишга тайёр бўлмаганда сув олишдан
воз кечиш ёки уни “ИТҲБ” билан келишилган ҳолда бошқа муддатга кўчириш;
г) ўз эҳтиёжларидан келиб чиққан ҳолда сув олиш лимитларини ўзгартириш ва манбадаги сув ресурсларидан самарали фойдаланиш тўғрисида таклифлар киритиш;
д) манбалардан сув олиш жойларида ўрнатилган сув ўлчаш воситалари (гидропостлар) ишининг ҳамда сув ҳисоб-китобининг тўғрилигига шубҳа пайдо бўлганда, “ИТҲБ”дан навбатдан ташқари қўшимча ўлчов ўтказилишини талаб қилиш;
е) “ИТҲБ” нинг айби билан сувдан фойдаланиш тўғрисидаги шартнома бўйича олинмай қолган сув учун компенсация талаб қилиш;
ж) “ИТҲБ” дан кўрсатилган хизматлар ва амалга оширилган тўловлар тўғрисидаги маълумотларнинг тақдим этилишини талаб қилиш;
з) томчилатиб суғориш тизимини ва сувни тежайдиган бошқа суғориш технологияларини жорий этиш орқали тежалган сув ресурсларидан такрорий қишлоқ хўжалиги экинларини етиштириш мақсадида фойдаланиш.
“Истеъмолчи” қонунчилик ҳужжатларига ва ушбу шартномага мувофиқ бошқа ҳуқуқларга эга бўлиши мумкин.
3.4. “Истеъмолчи”нинг мажбуриятлари:
а) мазкур шартноманинг 1- ва 2-иловаларида белгиланган сув истеъмоли режасига,
3- ва 4-иловаларида белгиланган тўловларни тўлаш графигига ҳамда белгиланган сув олиш лимитларига ва сувдан фойдаланиш қоидаларига қатъий риоя этиш;
б) олинган сувдан мақсадли ва самарали фойдаланишни, ер майдонларини кўллатишга, суғориш тармоқларидан ҳамда экин майдонларида сувни беҳуда сарфлашга йўл қўймаслик;
в) суғориш учун берилган сувларнинг коллектор-дренаж тармоғига ва бошқа сув объектларига оқизиб юборилишига йўл қўймаслик;
г) ҳудуддаги суғориш тармоғини сув тақсимлаш ва ўлчаш воситалари (гидропостлар) билан ўз маблағлари ҳисобидан жиҳозлаш ҳамд уларни соз ҳолда сақлаш;
д) сув олиш учун 10 кун олдин ёзма талабномани “ИТҲБ” га тақдим этиш ва суғориладиган майдонни суғоришга тайёрлаш;
е) ўзбошимчалик билан сувдан фойдаланмаслик;
ж) манбада сув миқдори камайиб ёки кўпайиб кетганда зудлик билан “ИТҲБ” ни ёзма равишда (авария ҳолатларида – телефон орқали) хабордор қилиш;
з) суғоришда сувни тежайдиган замонавий технологияларни ва инновацион ечимларни жорий қилиш, экин майдонларини текислаш, сувчилар сонининг етарли бўлишини ва уларга иш ҳақларини ўз вақтида тўланишини таъминлаш ҳамда сувчиларга далада етарли шарт-шароитлар яратиш;
и) хизмат ҳақи бўйича тўловларнинг ўз вақтида тўланишини таъминлаш.
“Истеъмолчи” қонунчилик ҳужжатларига ва ушбу шартномага мувофиқ бошқа мажбуриятларни ҳам бажаради.
Do'stlaringiz bilan baham: |
