Suv resurslarini havzaviy rejalashtirish va boshqarish

Havzaviy kengashni tashkil etishdan maqsad va vazifalar
Keng ma’noda havzaviy kengashning maqsadi suv resursla
-
rini integral boshqarishni amalga oshirishning zaruriy tashkiliy 
asoslarini ta’minlashdan iborat. Mazkur ta’rif Suv resurslari 
bo‘yicha davlat qo‘mitasi tomonidan tasdiqlangan Namunaviy 
Nizomda berilib, unda havzaviy kengashlarni tuzishdan maqsad 
davlat va nodavlat sub’ektlari o‘rtasida suv resurslarini boshqa
-
rish, ulardan foydalanish va ularni muhofaza qilish masalalari
-
da o‘zaro hamkorlikni rivojlantirish hamda harakatlarni mu
-
vofiqlashtirish, deb belgilangan. 
Namunaviy Nizom asosida Havzaviy kengashlarning aso
-
siy vazifalari qatoriga quyidagilar kiritilgan: 
• havzaning suv fondidan samarali foydalanish va uni mu
-
hofaza qilishning dolzarb muammolarini birgalikda muhokama 
qilish;
• suv fondini boshqarish, undan samarali foydala
-
nish va uni muhofaza qilish masalalari bo‘yicha taklif va tav-
siyalarni ishlab chiqish;
• muayyan suv xo‘jaligi havzasini iqtisodiy va ijtimoiy rivoj
-
lantirish dasturlari va rejalari bo‘yicha takliflar tayyorlash;

---

63
SUV RESURSLARINI HAVZAVIY REJALASHTIRISH VA BOSHQARISH
• mutasaddi organlar va donorlar ko‘rib chiqishi uchun 
muayyan havzada investitsion loyihalar paketini tuzgan holda 
moliyalashtirish va tariflarni belgilash variantlarini tayyorlash;
• suv resurslarini integral boshqarish hamda suv muam
-
molari yechimiga jamoatchilikni jalb etish loyihalari bo‘yicha 
takliflar ishlab chiqish;
• suv resurslarini integral rejalashtirish va boshqarish
-
da suv hamkorligi darajasini ko‘tarish, davlat organlari, suv 
iste’molchilari hamda jamoatchilik o‘rtasida ma’lumot almashi
-
nuvini ta’minlash;
• suv ob’yektlarini qayta tiklash va muhofaza qilish masala-
larida birlashish, faoliyatlarni muvofiqlashtirish hamda hamko
-
rlikdagi tadbirlarni amalga oshirish bo‘yicha havzaviy kelishuv
-
larni tayyorlash.
Ta’kidlash lozimki, turli havzaviy kengashlarning vazifalari 
farq qilishi mumkin. Jumladan, transchegaraviy havzalarda 
suv resurslaridan foydalanish va ularni muhofaza qilish bo‘yi
-
cha xalqaro hamkorlikni amalga oshirish bilan bog‘liq vazifalar 
ko‘zda tutilishi lozim. Havzaviy tashkilotlarning vazifalariga se
-
zilarli ta’sir etuvchi omil tegishli havzadagi suvdan foydalanish 
tuzilmasi hisoblanadi. Umuman, vazifalar havzaviy kelishuv
-
lar ishtirokchilari yoki muayyan kengash uchun nizomni tas
-
diqlovchi organ yoki tashkilotlar tomonidan belgilanadi.