Сущность и принципы организации безналичных расчетов

Экономический рост и развитие

ИҚТИСОДИЙ ЎСИШ

Иқтисодий ўсишнинг умумий тавсифи ва неокейнсча моделлари

Режа:

• Мустақиллик йилларида Ўзбекистон Республикасида иқтисодиётнинг рақобатдошлигини ошириш борасида амалга оширилган чора-тадбирлар. Мамлакатимиз иқтисодиётининг рақобатдошлигини таъминлаш шартлари.
• Иқтисодий ўсиш тушунчаси ва ўлчаниши. Иқтисодий ўсиш омиллари ва типлари.

3 Иқтисодий ўсишнинг кейнсча моделларининг умумий тавсифи. Е.Домар модели. Иқтисодий ўсишнинг Р.Харрод модели асослари.

Иқтисодий ўсиш тўлиқ бандлилик шароитига мос келувчи потенциал ишлаб чиқариш даражасини узоқ муддатли кўпайиши тенденциясини англатади.
Иқтисодий ўсиш жами таклифнинг ўсишини ёки бошқача айтганимизда, ҳақиқий ва потенциал ЯИМ ҳажмининг ошишини билдиради. Иқтисодий ўсиш муаммосини ўрганиш натижасида реал ишлаб чиқариш тизими дуч келувчи - чекланган ресурслардан самарали фойдаланиш муаммосига ечим топилади. Демак, иқтисодий ўсиш омиллари ва улар самарадорлигини ўрганиш ҳамда таҳлил қилиш жамият олдидаги энг долзарб муаммолардан биридир.

Мавзунинг долзарблиги

Республикада амалга оширилаётган иқтисодиётни эркинлаштириш ва ислоҳотларни чуқурлаштириш бўйича қўйилган вазифаларни муваффақиятли ҳал қилиб бориш натижасида, ўтган қисқа давр давомида изчил иқтисодий ўсишга эришилди ҳамда макроиқтисодий мувозанатлик таъминланди.

Бу борада Биринчи Президентимиз И.Каримов таъкидлаб ўтганларидек, “...авваламбор шуни таъкидлашимиз керакки, глобал жаҳон иқтисодиётида ҳали-бери сақланиб қолаётган жиддий муаммоларга қарамасдан, Ўзбекистон ўз иқтисодиётини барқарор суръатлар билан ривожлантиришни давом эттирди, аҳоли турмуш даражасини изчил юксалтиришни таъминлади, дунё бозоридаги ўз позициясини мустаҳкамлади. Иқтисодиётни эркинлаштириш ва ислоҳотларни чуқурлаштириш амалга оширилаётган бугунги кундаги вазифамиз эса, иқтисодиётимизда жамиятимиз ҳаётининг барча соҳаларида, авваламбор, рўй бераётган ислоҳотлар натижаларини, янгича жараёнлар ва сифат ўзгаришларни чуқур таҳлил этиб, керакли хулосалар чиқаришдир» .