Surxondaryo viloyat xalq ta’limi boshqarmasi

MAVZU YUZASIDAN BERILGAN SAVOLLAR
1. Oshqozon qayerda joylashgan va u katta yoshdagi odamlarda sig‘imi qancha? Javob: Oshqozon qorin bo‘shlig‘ining yuqori qismida, diafragma ostida joylashgan. Uning sig‘im hajmi katta yoshdagi odamlarda 2 ltrdan 2,5 litrgacha.
2. Langergans orolchasi haqida gapirib bering. Oshqozonosti bezi aralash sekretsiya bezi bo‘lib, uning Langergans orolchasi deb ataladigan kichik qismi ichki sekretsiya bezi funksiyasini bajaradi. Qolgan qismi esa o‘n ikki barmoq ichak bo‘shlig‘iga hazm shirasi ishlab chiqaradi. Uning shirasi tarkibida ichakdagi oqsillar, yog‘lar va karbonsuvlarni parchalovchi fermentlar bo‘ladi.
3. Appendiks haqida gapirib bering. 12 barmoq ichakka oshqozonosti bezi va jigarning o‘t yo‘li ochiladi. Ingichka ichakning yo‘g‘on ichakka o‘tadigan qismida kalta ko‘richak joylashgan. Uning keyingi qismida ingichka chuvalchangsimon o‘simta - appendiks osilib turadi. Ingichka ichakning shilliq pardasida joylashgan juda ko‘p mayda bezlar ichak shirasi ishlab chiqaradi.
V. Dars yakuni: O‘quvchilarni o‘zlashtirishlariga va darsdagi faolligiga qarab 5 ballik tizimda baholash. Darsda faol qatnashmagan o‘quvchiga keying darsda faol bo‘lishini so‘rash. Guruhlarning to‘plagan rag‘batlariga qarab, g‘olib guruhni aniqlash va uyga vazifalar berish.
VI. Uyga vazifa: 27-§. ni o‘qib, savollarga javob yozish.
Termiz shahar 11-umumiy o‘rta ta’lim maktabining biologiya fani o‘qituvchisi Ishmurzayeva Xayotxonning biologiya fanidan “Ovqat hazm qilish sistemasi organlarining tuzilishi va funksiyasi” mavzusidagi darsiga
TAQRIZ

Bugungi kunda yosh avlodni tarbiyalashda zamon talabi va jahon ishlab chiqarish ehtiyojlariga to‘laligicha javob bera oladigan darajada tarbiyalash “Ta’lim to‘g‘risidagi” Qonunning asosiy talabi hisoblanadi. Belgilangan bu ulug‘vor vazifalar ta’lim va tarbiya tizimidagi barcha bo‘g‘inlarning o‘zaro hamkorligi asosida izchil amalga oshiriladi.

Biologiya fani o‘qituvchilari ham boshqa fan o‘qituvchilari kabi ta’lim jarayonida qo‘llash mumkin bo‘lgan didaktik o‘yinlar orqali darslarni tashkil etib kelmoqda. Bu tasviriy o‘yinlarni ta’limning maqsadini amalga oshirishda, o‘quvchilarning topqirlik, zukkolik salohiyatini oshirishda, yuz marta eshitishdan, bir marta ko‘rgazmadan ko‘rib anglash, fikrlash qobilyatini oshirish demakdir. Ta’lim-tarbiya berish jarayonida asosiy shakl dastur, o‘quvchi mashg‘ulotlardan tashqari o‘tkaziladigan barcha ta’limiy-tarbiyaviy tadbirlar, o‘quvchilarning dars jarayonida olgan bilimlarini to‘ldirishga xizmat qiladi. Shu bois, ta’lim muassasalarida darslarning sifat samaradorligini oshirish, o‘quv jarayonida yangi texnologiyalarni qo‘llashni bilish nihoyatda muhimdir. O‘quv mashg‘ulotlarini yuksak darajada tashkil etish va o‘tkazish uchun o‘qituvchi-pedagogning o‘z ixtisosligini chuqur bilishi kifoya emas. Buning uchun o‘qituvchidan yuqori darajadagi pedagogik mahorat ham talab qilinadi. O‘qituvchi-pedagog dars o‘tish, o‘zaro darsga kirish, kasbdoshlarining darslarini kuzatish va ularni tahlil qilish jarayonida pedagogik mahoratga ega bo‘lib baradi. Shuning uchun dars tahlili masalalarini har bir ta’lim tizimida alohida o‘rin egallaydi. Dars mazmuni mohiyatiga ko‘ra, oliy toifali biologiya fani o‘qituvchi Ishmurzayeva Xayotxon to‘la ma’noda mohir pedagoglikka loyiq kasb egasidir.
Taqrizchi: X. Begashev
Termiz shahar 11-sonli maktab O‘TIBD o‘rinbosari

Termiz shahar 11-umumiy o‘rta ta’lim maktabining biologiya fani o‘qituvchisi Ishmurzayeva Xayotxonning biologiya fanidan “Ovqat hazm qilish sistemasi organlarining tuzilishi va funksiyasi” mavzusidagi darsiga