Suragan edingiz

Ота-онага ўлим тилаш.
Баъзи нобакор фарзандлар ота-онасининг 
тезроқ ўлиб, нариги дунёга кетишини орзу қи-
лади. Бунинг турли сабаблари бўлиши мумкин. 
Масалан, ота-онаси бой-бадавлат бўлишса, мол-
мулкига тезроқ эга бўлиш учун шундай орзуга 
борилади, ҳатто ошкора айтиш даражасига етиб 
боради. Бу ҳам пасткашликнинг бир туридир. 
Зеро, мард киши ота-онасининг мулкига кўз 
олайтирмайди, ўз пешона тери билан топган 
молига суяниб иш тутади. Баъзилар касалманд, 
камбағал ёки қариб-қартайиб қолган ота-онаси 
хизматини ўзига оғир олиб тезроқ улардан 
қутулишни ўйлайди. Яна бир тоифа ноқобил 
фарзандлар ҳам борки, ота-онасининг хатти-
ҳаракатларини тергаб туришини ёқтирмайди. 
Айниқса, ёш йигит-қизлар нима қилаётгани, қа-
ерга бориб, қаердан келаётгани ҳақида сўраган 
ота-онасига ўқраяди, ҳалиям ёш бола кўрасизми, 
деб норозилигини очиқча билдиради. Саёқ ва 
бебош юришига халақит бераётган ота-онаси-
нинг тезроқ ўлишини тенқурларига билдиради.

---

Ота-онага оқ бўлишдан сақланайлик

 
43
Ота-онани ўлдириш. 
Бу сўздан соғлом табиатли кишининг қал-
би ларзага тушиб, тепа сочи тикка бўлиб: “Ҳеч 
замонда инсон ўз ота-онасини ўлдирарканми?” 
деган ҳайқириқ бўғзидан отилиб чиқади. Ахир 
инсон ўзини бу дунёга келтирган, гўдаклик 
вақтидан оқ ювиб, оқ тараб вояга етказган 
меҳр-муҳаббатини аямасдан асраб-авайлаб, 
касал бўлса узоқ яшасин, деб молию жонидан 
кечадиган ота-она тўғрисида шундай худбин 
ўйга бориш мумкинми?! Наҳотки, одамзот шу 
қадар пасткашлик қилса, ўз ота-онасининг ҳа-
ётига зомин бўлса?! Ҳа, бу қанчалар аччиқ ва 
мудҳиш бўлмасин, нобакор фарзанд шундай қо-
тиллик қилишдан қўрқмайди. Залолат кўчасига 
кирган бадбахт фарзанд ғазаби қайнаб турган 
пайтда, маст ҳолатда ёки меросга кўз олайтириб, 
шундай машъум жиноятга қўл уради ва умрбод 
падаркуш деган тамғани кўтариб юради. Бу 
қандай юзқоралик, бу қандай шармандалик!.. 
Агар Аллоҳнинг Ўзи раҳматига олмаса, бундай 
кимсанинг оқибати ҳам нақадар аянчли!..