Sultonmurod Olim, Sunnat Ahmedov, Rahmon Qo‘chqorov

AFROSIYOBNING ARBOBLARI BILAN
MAS LAI I AT QILGANI
...Ularga dedi: «Bu gardanda falak, 
Qismatim qilmadi umshdan bo‘lak.
...Jahon shohi agar qilsa bedodlik, 
Yaxshilik yo‘qolar, gumdondir shodlik.
...Qing‘irlik kuchayar, qolmas to‘g‘rilik, 
Har yonda avj olar yolg'on, o'g'rilik.
Curd —
pahlavon.

---

Jonimdan to'ydirdi zo'rlik, jang-jadal, 
Yaxshilikka burdi xalloqi azal!
Bukim joriy qilay sulh-u adolat, 
Anduh-g‘orat emas, rohat-farog‘at.
Mendan tinchlik topsin jahon bir zamon, 
Bozor qizitmasin ajal nogahon.
Uchdan ikki jahon zeri poyimdir,
Eroni, Turoni ham saroyimdir.
Necha sarkash botir, boshlarida toj,
To‘lab turishadi menga katta boj.
Agar sizlar ma’qul topsangiz, bitib, 
Yuboray Rustamga1 bukun bir maktub.
Siyovush bilan sulh eshigin ochay, 
Sovg‘alar yuboray, oltinlar sochay».
Garsevazga farmon yetar shohona:
«Ishni yig‘ib, yo‘lga bo‘lgil ravona.
Degil: Eronga hech da’voyimiz yo‘q, 
Degil: So‘zimiz chin, ko‘ngli bo‘lsin to ‘q.
Bizniki Chindan to Jayhun qirg‘og‘i, 
Bizga bas So‘g‘diylar yeri — tuz, tog‘i.
...Eron bilan Turon bir edi doim,
Nizo bilmay yashar erdi ko‘p qoyim.
...Faridundek oqil bo‘lsak, bo‘lmasmi, 
Jahonni beurush bo‘lsak, bo‘lmasmi?!
AfV etib, yuz bursak ezgulik tomon,
Urush unutilsa, yo‘qolsa yomon».
SIYOVUSHNING AFROSIYOB BILAN
AHD-PAYMON QILGANI
Garsevaz saroyga kelar, vaqt sahar, 
Boshida kuloh-u belida kamar.
Siyovush nazdida o‘padi zamin,
So‘ngra yog‘diradi unga ofarin.
1 Rustam —
eronlik pahlavon.

---

Siyovush unga der: «Nechuk uxlading,
Qilmadimi shov-shuv quloqlarni ding?»
So‘ng yana dedikim: «Bu kor-u boring,
Tun bo'yi o‘ylatdi sening guftoring.
Ikkimiz fikr etdik, g‘amni quvaylik, 
Kiyna-adovatdan dilni yuvaylik.
Afrosiyobga tez yuborgil javob,
Adovatni boshdan chiqarsin shu tob.
Oxiri voyligi bilinsa, demak,
Nobop ishni boshdan to'xtatmoq kerak.
Rostlik hokim bo‘lsin, orada ardoq,
Qahr-la yo‘lbarsdek bo‘lma urushqoq.
Noma beray, yetkaz, ehtimolki, shoh,
Urushmay, sulh bilan qaytarar sipoh».
...Buxoro-yu So‘g‘d-u Samarqand-u Choch,
Sajjob yerlarini bo'shatib qiyg‘och,
Qo‘shinin Qang tomon surardi shitob,
Paymoniga sodiq shoh Afrosiyob.
Bu ishlardan ogoh bo‘liboq Rustam 
Gumoni qolmadi, bo‘ldi xotiijam.