Sen tug‘ilgan shu tuproq, Topar hurmat va ardoq

Sen tug‘ilgan shu tuproq,
Topar hurmat va ardoq.
Boshingda aziz bayroq,
Minglar armonidir bu.
Sen balog‘at yoshida,
Katta yo‘lning boshida.
Sodiq tur el qoshida,
Buyuklik imkonidir bu.
Ochib ilm bulog‘in,
Gullatib ko‘ngil bog‘in.
Ko‘zla g‘aflat adog‘in,
Hayrat zamonidur bu.
Daholarga sen avlod,
Qahramonlarga zurriyod.
Tomirlaringda sabot,
Matonat qonidir bu.
Bahoring himoya et,
Huzur jodusidan ket.
Komillik tog‘iga et,
Iymon qalqonidir bu.
Bobolardan ol duo,
Ona yurtga bo‘l fido.
Qo‘rqoqning yuzi qora,
Mardlik karvonidir bu.
Otang ko‘ksiga ursin,
Mening bolam bu desin.
Onang rohating ko‘rsin,
Jannat ayvonidir bu.
Mening boshimdir Vatan,
Yurtni ko‘tar bo‘lib jam.
Hech kimdan emassan kam,
O‘zbekning jonidir bu.

55 st prujina =shavkat aka