Стенограммаси 2022 йил 05 апрель Урганч шаҳри

Тадқиқотнинг мақсади – Пacт нaвли юқopи кapбoнaтли Мapкaзий Қизилқум фocфopитлapи вa Зинeльбулoқ мaгнeзит хом ашёси асосида мaгнийли aзocупepфocфaтлap oлиш тeхнoлoгияcини яpaтишдан ибopaт.
Мазкур диссертация иши мустақил, тўла асосланган, якунланган илмий-амалий тадқиқот бўлиб, Урганч давлат университети «Ноорганик материаллар технологияси » лабораториясида бажарилган.
Ҳимоя қилувчининг шахсан эришган муҳим амалий натижалари.
Зинельбулоқ кони тальк-магнезитини флотацион бойитиш жараёнлари орқали магнезит олишнинг мақбул технологик катталиклари аниқланган;
магнийли азосуперфосфат ўғитларини олиш жараёнларини мақбул технологик катталиклари аниқланган, иқтисодий жиҳатдан мақсадга мувофиқлиги асосланган ва технологияси ишлаб чиқилган;
магнийли азосуперфосфат ўғитларини тажриба партиялари ишлаб чиқарилган.
Диссертация натижаларининг аниқлик даражаси ва ишончлилиги.
Тўпланган маълумотлар базаси тўғри танланган бўлиб, уларнинг ишончлилиги, аниқлиги интернет тизимидан, маҳаллий ва хорижий адабиётлар шарҳи, расмий статистик маълумотлар, монографиялар, патентлар, диссертация авторефератидан, илмий журналларда чоп этилган материаллардан фойдаланилганлигидадир.
Маълумотлар (ахборотлар) базаси ишончли ва аниқ (тўғри). Расмий статистик маълумотлар, ҳисобот, таҳлилий ва бошқа материаллардан фойдаланиш даражаси қониқарли. Соҳага оид янги статистик маълумотлардан, хорижий ва маҳаллий илмий журналлар ҳамда тўпламларда чоп этилган материаллардан фойдаланилганлиги қониқарли даражада.
Бундан ташқари диссертант тадқиқотларни чет эл ва республикада чоп этилган соҳага оид илмий маълумотларга ижодий ёндошган ҳолда олиб борган. Диссертацияда келтирилган тадқиқотлар, хулоса ва тавсияларнинг илмий асосланганлигига ҳеч қандай шубҳа йўқ, чунки, улар замонавий кимёвий ва физик-кимёвий тадқиқот усуллари ёрдамида шакллантирилган. Тадқиқот натижаларининг ишончлилиги фойдаланилган кимёвий (аналитик кимё) ва физик-кимёвий таҳлил натижалари лаборатория тажрибалари ва тажриба-саноат синовлари ҳамда яратилган технология амалиётга жорий қилинганлиги билан тасдиқланган.