Statistika” fanidan Oʻquv-uslubiy majmua

II. Nazorat turlari va uni amalga oshirish tartibi
Nazorat turlari, uni o‘tkazish tartibi va mezonlari fanning ishchi o‘quv dasturida ko‘rsatiladi va birinchi darsda talabalarga e’lon qilinadi.
Har bir fan bo‘yicha quyidagi nazorat turlari amalga oshiriladi:
- joriy nazorat – talabaning fan mavzulari bo‘yicha bilim va amaliy ko‘nikma darajasini aniqlash va baholash usuli. U amaliy darslarda og‘zaki so‘rov yoki test o‘tkazish, uy vazifalarini va mustaqil ishlarini tekshirish shakllarida o‘tkaziladi. Talabalar mustaqil o‘zlashtirishi uchun ajratilgan mavzu yoki uning ayrim masalalari bo‘yicha referat yozadilar.
- oraliq nazorat – semestr davomida o‘quv dasturining tegishli bo‘limi tugallangandan so‘ng talabaning bilim va amaliy ko‘nikma darajasini aniqlash va baholash usuli. U har bir fan bo‘yicha har semestrda ikki marotaba universitet o‘quv-uslubiy boshqarmasi tomonidan tuzilgan jadvalda rejalashtirilgan muddatlarda o‘tkaziladi. Ayrim fanlar bo‘yicha ma’ruza va amaliy mashg‘ulotlar o‘quv yuklamasi 25 soatdan ziyod bo‘lmagan taqdirda oraliq nazorat o‘tilgan mavzularni qamrab oladigan nazariy va amaliy masalalar variantini har bir talaba mustaqil ravishda darsdan tashqari vaqtda bajaradi. Bunday topshiriqlar oldindan professor-o‘qituvchi tomonidan ko‘p variantda (patokdagi talabalar soniga etarli miqdorda) tuzilib, kafedrada tasdiqlanadi.
- yakuniy nazorat – semestr yakunida muayyan fan bo‘yicha nazariy bilim va amaliy ko‘nikmalarni talabalar tomonidan o‘zlashtirish darajasini baholash turi. U tayanch tushuncha va iboralarga asoslangan bitta nazariy savol va 3 ta masaladan iborat bo‘lgan topshiriq variantini yozma ish shaklida auditoriyada belgilangan muddatda har bir talaba bajarishi orqali amalga oshiriladi. Topshiriq variantlari soni patokdagi talabalar sonini hisobga olib, oldindan tuziladi va kafedra tomonidan tasdiqlanadi.
Oraliq nazoratini o‘tkazish jarayoni kafedra mudiri tomonidan tuzilgan komissiya ishtirokida davriy ravishda o‘rganib boriladi va uni o‘tkazish tartibi buzilgan hollarda, nazorat natijalari bekor qilinadi va u qayta o‘tkaziladi. Yakuniy nazorat ham mazkur tartibda universitet rektori buyrug‘i bilan tuzilgan komissiya tomonidan o‘rganiladi va natijasiga asoslanib qaror qabul qilinadi.