Standartlari

Fanning maqsad va vazifalari

“Moliyaviy hisobotning xalqaro standartlari” fanining asosiy maqsadi – magistrantlarda xo’jalik yurituvchi sub’ektlarning moliyaviy-xo’jalik faoliyatini moliyaviy hisobotning xalqaro standartlari bo’yicha nazariy va amaliy bilimlarni shakllantirishdan iborat.
Fanning vazifasi – moliyaviy hisobotning xalqaro standartlarini uyg’unlashtirgan holda magistrantlarga moliyaviy hisobotlarni xalqaro darajada tayyorlash va taqdim etish, buxgalteriya hisobi milliy standartlari asosida faoliyat yuritayotgan korxonalarni xalqaro standartlarga muvofiq trantsformatsiya qilishni o’rgatishdan iborat.

Fan bo’yicha talabalarning tasavvur, bilim, ko’nikma va malakalariga qo’yiladigan talablar

“Moliyaviy hisobotning xalqaro standartlari” fanini o’zlashtirish jarayonida magistrant:

• 
  moliyaviy hisobotning xalqaro standartlariga kirish;
  
• 
  moliyaviy hisobotning xalqaro standartlarida umumiy masalalar haqida tasavvurga ega bo’lishi;
  
• 
  tushumlarni hisobga oluvchi standartlarining tavsifi;
  
• 
  nomoliyaviy aktivlarni hisobga oluvchi standartlarining tavsifi;
  
• 
  baholashni hisobga oluvchi standartlarining tavsifi;
  
• 
  nomoliyaviy majburiyatlarni hisobga oluvchi standartlarining tavsifini bilishi va ulardan foydalana olishi;
  
• 
  moliyaviy instrumentlarni hisobga oluvchi standartlarining tavsifi;
  
• 
  konsolidatsiyalash asoslarini hisobga oluvchi standartlarining tavsifi; moliyaviy hisobot transformatsiyasi bo’yicha ko’nikmalariga ega bo’lishi
  

kerak.

Fanning boshqa fanlar bilan o’zaro bog’liqligi va uzviyligi

Mazkur fanni o’rganish uchun magistr-iqtisodchi davlat ta’lim standartlarida ko’zda tutilgan iqtisodiy fanlar bilan bevosita aloqada bo’ladi.
Ushbu fan o’quv rejasida rejalashtirilgan “Buxgalteriya hisobi nazariyasi”, “Buxgalteriya hisobi”, “Audit”, “Iqtisodiy tahlil”, “Buxgalteriya hisobining milliy standartlari”, “Moliyaviy hisobot” fanlari bilan uzviy bo’lib, ko’rsatib o’tilgan fanlardan yetarli bilim va ko’nikmalarga ega bo’lishlikni talab qiladi.