Sql tili tariyxı

varchar(n): paydalanıwshı tárepinen ornatılǵan maksimal uzınlıǵı n bolǵan maydan uzınlıqtaǵı simvollı qatar.

int: pútin san (usı tip uzınlıǵı ornatıladı). Tolıq kórinisi integer.

smallint: kishkene ólshemli pútin san.

numeric(p, d): ózgermes tochkalı sanlardı beriwde isletiledi. Bul jerde p – cifralar hám d - oń tárepten sannıń pútin bólimine beriliwshi xanalar sanı. Mısalı numeric(3, 1) - 44.5; Bunda numeric(3, 1) ge 444.5 yamasa 0.32 uqsaǵan sanlardı berip bolmaydı.

real, double precision: qozǵalıwshı tochkalı hám jup shegaralı qozǵalıwshań tochkalı sonlar. SHegaraları mashina tárepinen beriledi.

float(n): jıljımalı tochkalı júdá kishkene n xanalı san.

Hár-bir tip arnawlı NULL dep atalıwshı mánisti de óz ishine alıwı múmkin. SQL de atribut mánisleri anıq emes bolǵan yamasa joq ekenligi NULL menen jazıladı. NULL mánis ápiwayı túsinikte mánis esaplanbaydı. Ol tekte atributtı haqıyqıy mánisi túsirilip qaldırılǵan yamasa anıq emesligin ańlatadı. NULL di isletiwde tómendegilerge itibar beriw kerek:

• 
  Agregat funkciyalar isletilgende qandayda bir atributtı mánisler toplamı boyınsha esaplawlar orınlanǵanda anıqlıqtı támiynlew maqsetinde NULL mánis esapqa alınbaydı.
  
• 
  shártli operatorlarda TRUE, FALSE den basqa UNKOWN payda bolsa nátiyje NULL mániste shıǵadı.
  
• 
  bul mánisti tekseriwde IS NULL yamasa IS NOT NULL lar paydalanıladı.
  
• 
  almastırıw fukntsiyaları da argument sıpatında NULL bolsa nátiyje NULL ge teń boladı.
  

Mısal ushın A maydan char(10) tipindegi ózgermes uzınlıqtı qatarlı maydan bolsın. Eger bul maydanǵa «Avi» qatarı berilse, 10 belgi qılıw ushın jáne 7 aralıq (probel) avtomatik kompyuter tárepinen qosıladı. Salıstırılatuǵın bolsa, varchar(10) tipli B maydanǵa «Avi» qatarı saqlansa, onda bul maydanǵa hesh qanday aralıq (probel) qosılmaydı. Eger char tipindegi bul eki maydandı salıstıratuǵın bolsaq, olardıń uzınlıqları bir túrde bolıwı ushın salıstırıwdan aldın qosımsha probeller avtomatik qosıladı hám keyin salıstırıladı.
Char hám varchar tiplerin salıstırıw waqtında bolsa, olardıń uzınlıqların teńlestiriw ushın salıstırıwdan aldın varchar tipindegi maydanǵa qosımsha probeller qosıladı. Lekin soǵan qaramay, salıstırıw waqtında bul ámellerdiń orınlanıwı maǵlıwmatlar banki sistemasına baylanıslı. Nátiyje sıpatında bolsa A hám B maydanlarında bir túrde «Avi» qatarı saqlansa da salıstırıwda A=B false mánisin beriwi múmkin. Sonıń ushında joqarıdaǵı problemanı shetlep ótiw ushın char tipi ornına varchar tipinen paydalanǵan jaqsı.
Bunnan basqa SQL da jáne Unicode simvollarinen paydalanǵan halda hár qıylı tildegi maǵlıwmatlardı saqlawshı nvarchar tipi de isletiledi. Biraq, kópshilik MBlarda Unicode (UTF-8 kórinisindegi) simvollarin varchar tipinde saqlaw imkaniyatına iye.


Qadaǵalaw sorawları

1. 
   SQL standartları hám onıń rawajlanıw basqıshları
   
2. 
   SQL operatorları toparların wazıypasın túsindiriń
   
3. 
   SQL tilindegi tiykarǵı maǵlıwmat tipleri qanday?
   
4. 
   SQL tilinde NULL mánis ne?