So‘z boshi

SO‘Z BOSHI



Test topshiriqlari o‘quvchilarning har bir fan bo‘yicha egallagan bilim, ko‘nikma va malakalarining amalda mustaqil qo‘llay olish uquvini, bilim darajasini holisona tekshirish imkonini beradi. Test topshiriqlari o‘quvchining o‘z ustida mustaqil ishlashiga, o‘zlashtirilgan ma’lumotlarni xotirada mustahkam saqlab qolishiga yordam beradi. 
Ushbu test topshiriqlari bugungi kunda amalda bo‘lgan umumiy o‘rta ta’lim maktablarining boshlang‘ich sinflari uchun Ona tili fanidan tuzilgan o‘quv dasturi va darsliklari asosida tuzildi. Xususan, ona tili fanidan 2-sinfda o‘tilgan barcha mavzular qamrab olinib, ular imlo, talaffuz va nutq savodxonligiga ko‘ra izchillikda berildi. Taqdim etilgan test topshiriqlarining avvalgilaridan farqli tomonlari shundaki, savollarni tuzishda, birinchidan, o‘quvchiga aynan javobi belgilanadigan sodda va oson, ikkinchidan, o‘quvchi tomonidan javobi yoziladigan o‘rtacha darajadagi, uchinchidan, o‘quvchini mantiqiy fikrlashga undaydigan biroz murakkabroq darajadagi savollar o‘quvchining yoshi va psixofiziologik xususiyatlaridan kelib chiqib qo‘yildi.
Mazkur qo‘llanma o‘quvchilarning shu sinf doirasida egallagan bilimlarini tekshirish va baholashda yordam beradi.
Qo‘llanmadan o‘quvchilar bilan bir qatorda, shu yo‘nalishda bilimini oshirish va mustahkamlashni maqsad qilgan talabalar, o‘qituvchilar, qolaversa, ota-onalar foydalanishlari mumkin. 
O‘quvlarning javoblarini baholash quyidagi tartibda belgilandi: 1. Quyi darajadagi oson savollar uchun 0,5 ball; o‘rtacha darajadagi savollar uchun 1 ball; biroz murakkabroq bo‘lgan yuqori darajadagi savollar uchun 1,5 ball, jami 100 ball bilan belgilandi. Ballar har bir savolning o‘zida ko‘rsatildi.
Test topshiriqlarining javoblari qo‘llanma so‘nggida kalit-jadval shaklida ilova qilindi. 


ОNA TILI FANIDAN TEST SAVOLLARI
2-sinf

1. Gapning birinchi so‘zi qanday harf bilan boshlanadi? (0,5 ball)

A. Kichik harf bilan. 
B. Bosh harf bilan. 
C. Tutuq belgisi bilan.