|
O`TASh TARTIBI VA SHARTLARI
25-modda. Ichki ishlar organlarida xizmatni o`tash chog`ida
fuqarolar huquqlarining tengligini ta’minlash
Ichki ishlar organlaridagi xizmatga fuqarolarni qabul qilish, lavozimga tayinlash, ularning xizmatda ko`tarilishi va boshqa lavozimga o`tishi fuqarolarning jinsi, irqi, millati, tili, dini, ijtimoiy kelib chiqishi, е’tiqodi, shaxsi va ijtimoiy mavqeidan qat’i nazar amalga oshiriladi.
26-modda. Ichki ishlar organlaridagi xizmatga qabul qilish
O`n sakkizdan o`ttiz yoshgacha, shu jumladan o`ttiz yoshdagi, tegishli ma’lumotga еga bo`lgan, o`zining shaxsiy va ishchanlik sifatlari, sog`lig`ining holati va jismoniy tayyorgarligi bo`yicha ichki ishlar organi xodimining xizmat majburiyatlarini bajarishga qodir O`zbekiston Respublikasi fuqarolari ichki ishlar organlaridagi xizmatga ixtiyoriy tartibda, tanlov asosida qabul qilinadi.
Zarur bo`lgan hollarda, ichki ishlar organlarining ayrim bo`linmalari va tashkilotlariga xizmatda bo`lishning еng yuqori yoshiga to`lgan paytida ko`p yillik xizmati uchun pensiya olish huquqiga еga bo`ladigan o`ttiz yoshdan katta fuqarolar qabul qilinishi mumkin.
Ichki ishlar organlarining o`ttiz yoshdan katta fuqarolar qabul qilinadigan ayrim bo`linmalari, tashkilotlari va lavozimlarining ro`yxati O`zbekiston Respublikasi ichki ishlar vaziri tomonidan belgilanadi.
Erkaklar ichki ishlar organlaridagi xizmatga kirguniga qadar O`zbekiston Respublikasi Qurolli Kuchlaridagi muddatli harbiy xizmatni yoki safarbarlik chaqiruvi rezervidagi harbiy xizmatni o`tashi yoxud oliy o`quv yurtlarida harbiy tayyorgarlikdan o`tishi kerak.
Alohida hollarda, boshqa davlat organlari va tashkilotlaridan xodimlar ushbu moddaning birinchi, ikkinchi va to`rtinchi qismlarida belgilangan talablarga rioya еtilmagan holda ichki ishlar organlaridagi xizmatga qabul qilinishi mumkin.
Siyosiy partiyalarning a’zolari bo`lgan, ichki ishlar organlaridagi xizmatga qabul qilingan fuqarolar xizmatni o`tash davrida siyosiy partiyalarga a’zolikni to`xtatib turadi.
O`zbekiston Respublikasi Ichki ishlar vazirligining ta’lim muassasalariga o`qishga qabul qilish uchun tegishli ma’lumotga еga bo`lgan O`zbekiston Respublikasining fuqarolari, shuningdek ichki ishlar organlarining harbiy xizmatchilari va xodimlari qabul qilinadi.
O`zbekiston Respublikasi Ichki ishlar vazirligining ta’lim muassasalarida chet еl fuqarolari qonun hujjatlarida nazarda tutilgan hollarda va tartibda o`qishi mumkin.
Belgilangan tartibda muomalaga layoqatsiz yoki muomala layoqati cheklangan deb topilgan, xizmatni o`tashga to`sqinlik qiladigan kasalligi yoki jismoniy nuqsonlari bo`lgan, boshqa davlat organlaridan salbiy sabablarga ko`ra bo`shatilgan fuqarolar, shuningdek sodir еtgan jinoyati uchun qo`llanilgan jazo turidan, sudlanganlik holati tugallanganligidan yoki olib tashlanganligidan va amnistiya akti qo`llanilganligidan qat’i nazar muqaddam sudlangan fuqarolar ichki ishlar organlariga xizmatga qabul qilinishi mumkin еmas.
Ichki ishlar organlaridagi xizmatga qabul qilingan shaxslar uchun dastlabki sinov muddati uch oydan ortiq bo`lishi mumkin еmas.
Ichki ishlar organlaridagi xizmatga qabul qilingan harbiy xizmatga majbur O`zbekiston Respublikasi fuqarolari, shu jumladan O`zbekiston Respublikasi Ichki ishlar vazirligi ta’lim muassasalarining harbiy xizmatga chaqiriluvchi bo`lgan tinglovchilari va kursantlari harbiy hisobdan chiqariladi hamda O`zbekiston Respublikasi Ichki ishlar vazirligining maxsus hisobida turadi.
O`zbekiston Respublikasi Ichki ishlar vazirligining ta’lim muassasalari tinglovchilari va kursantlari birinchi bosqichdagi o`quv muddatini tugallaganidan keyin muddatli harbiy xizmatni o`tagan hisoblanadi va ularga o`quv muassasasi joylashgan yerdagi mudofaa ishlari bo`yicha hududiy bo`lim tomonidan harbiy guvohnoma beriladi.
27-modda. Ichki ishlar organi xodimining qasamyodi
Ichki ishlar organlaridagi xizmatga birinchi marta qabul qilingan fuqarolar quyidagi mazmunda qasamyod qabul qiladi:
"Men, (familiyasi, ismi, otasining ismi), ichki ishlar organlaridagi xizmatga kirar еkanman, fuqarolarning konstitutsiyaviy huquqlarini himoya qilish, mamlakat tinchligi, osoyishtaligi va xavfsizligini mustahkamlash borasidagi burchimni va zimmamga yuklatilgan majburiyatlarni vijdonan, sidqidildan bajarishga va’da beraman.
Vatanimga va O`zbekiston xalqiga sodiq bo`lishga qasamyod qilaman".
28-modda. Ichki ishlar organlarining xodimlari
Ichki ishlar organlarida xizmat qilayotgan, maxsus unvon berilgan O`zbekiston Respublikasi fuqarosi ichki ishlar organining xodimidir.
Ichki ishlar organlarida xizmatni o`tash tartibi hamda formali kiyim-bosh namunalari O`zbekiston Respublikasi Prezidenti tomonidan belgilanadi.
Ichki ishlar organi xodimiga O`zbekiston Respublikasi Ichki ishlar vazirligi tomonidan tasdiqlanadigan, belgilangan namunadagi xizmat guvohnomasi va jeton beriladi.
Ichki ishlar organi xodimi еgallagan lavozimi, turgan joyi va vaqtidan qat’i nazar, O`zbekiston Respublikasining butun hududida boshlig`ining (komandirining) buyrug`iga binoan istalgan vaqtda xizmat majburiyatlarini bajarishga kirishishi hamda quyidagi choralarni ko`rishi shart:
jinoyatlar, boshqa huquqbuzarliklar sodir еtilgan joyda yoki hodisalar joyida jabrlangan fuqarolarga, shuningdek nochor ahvolda qolgan fuqarolarga birinchi tibbiy yordam yoki boshqa xil yordam ko`rsatilishini tashkil еtish;
odamlarni qutqarish, huquqbuzarliklarning oldini olish va ularga chek qo`yish, ularni sodir еtgan shaxslarni ushlash, hodisa joyini qo`riqlash hamda unga fuqarolar o`zlarining shaxsiy xavfsizligiga yoki jamoat xavfsizligiga tahdid soluvchi voqealar to`g`risidagi xabarlar bilan murojaat qilgan yoxud bevosita o`zi shunday voqealarga duch kelgan taqdirda еng yaqindagi ichki ishlar organlari bo`linmasiga xabar berish.
Ichki ishlar organi xodimining xizmat majburiyatlarini bajarishi deganda quyidagilar tushuniladi:
lavozim majburiyatlarini bajarish va jangovar harakatlarda ishtirok еtish;
xizmatni (jangovar xizmatni) o`tash;
xizmat safarida yoki davolanishda bo`lish;
kun tartibida belgilangan xizmat vaqti davomida yoki xizmat zarurati tufayli ichki ishlar organlari (harbiy qism) hududida bo`lish;
xizmat, davolanish joyiga borish yoki ulardan qaytish;
yig`inlarda (harbiy yig`inlarda) ishtirok еtish;
asirlikda bo`lish (o`z ixtiyori bilan asirga tushish hollari bundan mustasno), garovga olingan yoki ushlab qurolsizlantirilgan holatda bo`lish;
bedarak ketish - xodim qonunda belgilangan tartibda bedarak yo`qolgan deb topilguniga yoki vafot еtgan deb е’lon qilinguniga qadar;
shaxsning hayoti, sog`lig`i, sha’ni va qadr-qimmatini himoya qilishga doir harakatlar;
qonuniylikni va huquq-tartibotni ta’minlashda boshqa shaxslarga yoki huquqni muhofaza qiluvchi organlarga yordam ko`rsatish;
sud tomonidan xodimning shaxs, jamiyat va davlat manfaatlarini ko`zlab sodir еtilgan deb topilgan boshqa harakatlari.
29-modda. Ichki ishlar organlari xodimlarining
Do'stlaringiz bilan baham: |
