“Soliq hamkor” axborot tizimida soliq huquqbuzarliklari to‘g‘risida xabar berish hamda mobil ilovada xarid chekini ro‘yxatdan o‘tkazgan jismoniy shaxslarga xarid summasining 1 foiz miqdoridagi mablag‘ni qaytarish bo‘yicha ommaviy oferta

ATAMA VA TUSHUNCHALAR
DSQ
– soliq huquqbuzarligi bo‘yicha xabarlarni qabul qilish, nazorat tadbiri o‘tkazish va 
jismoniy shaxsni holat tasdiqlanganligi (tasdiqlanmaganligi) bo‘yicha xabardor qiluvchi, holat 
tasdiqlanganda hamda mobil ilovada xarid cheki ro‘yxatdan o‘tkazilganida rag‘batlantirishni 
amalga oshiruvchi organ. 
Jismoniy shaxs
– soliq huquqbuzarligi to‘g‘risida xabar beradigan hamda mobil ilovada 
xarid chekini ro‘yxatdan o‘tkazadigan jismoniy shaxs. 
Xabar berish
– soliq huquqbuzarligi holati bo‘yicha “Soliq_hamkor” axborot tizimi orqali 
DSQga yozma, og‘zaki, audio, foto, video, elektron xabar yetkazish hamda mobil ilovada xarid 
chekini ro‘yxatdan o‘tkazish. 
“Soliq_hamkor” axborot tizimi
– soliq huquqbuzarligi holatlari bo‘yicha xabarlarni 
qabul qilish, saqlash, qayta ishlash hamda soliq nazorati tadbirlari yakuniga ko‘ra Jismoniy shaxsni 
rag‘batlantirishni o‘z ichiga olgan dasturiy mahsul. 
Mobil ilova 
– xarid chekining fiskal belgisini matritsali shtrix-kod (QR-kod) yordamida 
skanerlash orqali ro‘yxatdan o‘tkazgan jismoniy shaxslarga rag‘batlantirishni o‘z ichiga olgan 
dasturiy mahsul. 

---

Soliq huquqbuzarligi
– qonun hujjatlarida belgilangan soliq huquqbuzarlik holatlari. 
Soliq huquqbuzarlik turlari
: 
- to‘lov cheki bermaslik
– savdo va ko‘rsatilgan xizmatlar uchun nazorat-kassa texnikasi 
hamda to‘lov terminallari cheklarini, kvitansiyalarni bermaslik, rad etish yoki nosoz qurilmalardan 
foydalanish. 
- xaridorga xizmat ko‘rsatish va savdo qoidalarini buzish
- boshqa shaxslarga tegishli 
hisob-kitob terminallaridan foydalanish yoki to‘lovlarni qabul qilishda ustama talab qilish, 
isteʼmol qilish muddati o‘tgan, litsenziyasiz alkogolli mahsulotlar, aksiz markasiz tamaki va 
alkogol hamda sifat sertifikatiga ega bo‘lmagan mahsulotlarini sotish.